Nota de prensa
Bernardo Fraga denuncia que o Estado está incumprir o acordado en relación co tren na Mariña.
Os nacionalistas reivindican as cercanías cunha viaxe en tren de Ribadeo a Viveiro o Domingo 23.
O BNG demanda un servizo de cercanías ferroviarias na Mariña para vertebrar a zona.
A Mariña, 19 de outubro de 2011. O Bloque Nacionalista Galego vai organizar o vindeiro Domingo 23 de outubro unha viaxe reivindicativa en ferrocarril dende Ribadeo a Viveiro, con saída da Estación Ribadense ás 11:00, co fin de volver a demandar un servizo de cercanías ferroviarias na Comarca da Mariña e un Plano de reubicación de estacións e apeadeiros co fin de achegar o servizo á poboación. A viaxe en tren que partirá de Ribadeo ás 11:00 h terá remate na estación de Ferrocarril de Viveiro, onde se concentraran os nacionalistas para dar lectura a un manifesto que recolle o contido das súas demandas.
Segundo indica Bernardo Fraga, Tenente de Alcalde de Viveiro e Candidato do BNG ao Senado, “non se trata dunha reivindicación nova para o BNG, posto que a vimos plantexando de xeito insistente desde os anos 90 pero chegou o momento de que se converta nunha realidade como xeito de vertebración da comarca, na perspectiva de optimizar o transporte público na mesma e tamén para que A Mariña non se quede atrás nun momento no que as proximidades estanse a xeneralizar no conxunto dos territorios do estado e non só nas áreas metropolitanas das cidades. Non temos dúbida que cun investimento mínimo as potencialidades serían moitas”.
Poucas liñas e con horarios alleos ás necesidades reais da comarca e dos seus cidadáns
Fraga criticou “que a día de hoxe de Ribadeo ate Viveiro só hai catro liñas diarias con saídas ás 6:50, ás 11:12, ás 14:45 e as 18:17 e de Viveiro até Ribadeo outras tantas con saídas ás 9:59, ás 12:18, ás 17:07 e ás 20:34, liñas que á marxe de ser insuficientes teñen uns horarios que non son os axeitados para responder as demandas dos seus potenciais usuarios na medida que non teñen en conta as quendas laborais e tampouco os horarios de atención ao publico dos servizos públicos que son comúns aos veciños da zona. O horario esta fixado unica e e exclusivamente atendendo a demanda da ruta Ferrol-Xixón ou Xixón-Ferrol”. Neste sentido Fraga denunciou “que do mesmo xeito que na comarca de Ferrol ven funcionando un servizo de cercanías ou na área de Xixón, este servizo non só tecnicamente é posíbel senón que é necesario na Comarca da Mariña”.
Esixencia no cumprimento de acordos parlamentares de finais dos anos noventa, mais apeadeiros significa mais usuarios.
O Tenente de Alcalde de Viveiro demandou “ que o Estado cumpra cos compromisos adquiridos coa Comarca tanto en sé parlamentaria como nos Orzamentos do Estado para levar adiante o Plano de Reubicación de Apeadeiros acordado en 1999, onde o Goberno do Estado se comprometía en fixar unha parada en Foz máis preto do casco urbano e outro tanto en Xove, Barreiros e Vicedo así como a construción do ramal ferroviario a Alcoa e a parada no Polígono Empresarial de Ribadeo, posto que dese Plano só se executou a actuación en San Cibrao e en Covas. Non hai dúbida, posto que así o certifican os propios dados de FEVE, que a proximidade das paradas aos núcleos de poboación fan aumentar na nosa zona o número de viaxeiros por tren”.
Cun mínimo investimento o servizo melloraría substancialmente na franxa costeira da comarca
Nesta dirección o nacionalista esixiu “que o Estado invista o comprometido tamén na mellora das dotacións do ferrocarril na zona, particularmente nas locomotoras posto que nos tramos de Ferrol a Xixón estanse a utilizar maquinas moi antigas, sendo posíbel acurtar os traxectos mesmo co actual trazado de vía e sen ter que proceder a súa electrificación con novos equipos. Pensemos que a día de hoxe a viaxe entre Viveiro e Ribadeo ven durando unha hora, dado que a velocidade media do tren é de 40 Km/H, con outras locomotoras poderíase situar a velocidade sen ningún tipo de risco en 60Km/H tal como teñen recoñecido os responsábeis da empresa pública FEVE, coas vantaxes que isto tería para achegar persoas e territorios na Comarca até o punto de que con estas velocidades o desprazamento por ferrocarril sería máis rapído que o do transporte público por estrada. Esta claro que a posta en marcha deste servizo requiriría un investimento mínimo, polo tanto non é un problema de diñeiro senón de falta de vontade política e tamén da consideración que ten o Estado Español desta parte do norte galego. Nin somos a periferia da periferia nin imos consentir que o Goberno do estado pretenda converternos niso ”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
