Nota de prensa:
O PP, SEN NENGÚN TIPO DE VERGOÑA ESTÁ A CONVERTIR O DRAMA DE MUEBLES HERMIDA NUNHA DESGRACIADA COMEDIA.
O BNG ESÍXELLE Á DEPUTADA ÁLVAREZ CHAO QUE EN LUGAR DE FACER DECLARACIÓNS GRATUITAS E QUE RAIAN A RIDICULEZ,ACTÚE PARA EVITAR OS DESPIDOS, POIS A XUNTA TÉN COMPETENCIAS PARA ISO.
As declaracións da deputada popular laurentina Enma Álvarez Chao manifestando que a solución aos cen despidos de Muebles Hermida non está nas pancartas, evidencia por unha banda a súa total falta de respeto aos traballadores e aos laurentinos e mariñáns que acudiron o pasado domingo á manifestación exercendo libremente un dereito democrático, e por outra banda é evidente tamén que con esas declaracións desautoriza á deputada provincial do PP, a mindoniense Elena Candia e ao mesmo alcalde de Lourenzá, Vidal Martínez Sierra que sí acudiron á manifestación. Resulta curioso non só que no PP mariñán haxa dúas posturas ao respecto, senón que dentro do propio grupo municipal do PP de Lourenzá haxa tamén dúas posturas.
Sería bon que o PP mariñán aclarase a cal é a postura “oficial” : estar a carón dos traballadores ou de costas aos traballadores,
Sorprende tamén que unha persoa que ostenta un cargo público, nin mais nin menos que deputada no Parlamento de Galiza afirme que pretende manter reunións cos traballadores en privado e sen ningún tipo de publicidade, ou sexa, sen ningunha transparencia.
E para rematar de ilustrarnos, a deputada Álvarez Chao acusa ao BNG de “pensar só na política”. Pois só faltaría…. que os partidos políticos non pensaran na POLÍTICA, así en maiúsculas, que é como a entendemos os nacionalistas, afirmou o responsable comarcal do BNG, Antonio Veiga.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
