Nota de prensa:
A XUNTA APROBA UNS ORZAMENTOS ESTABLES E SOCIAIS CO OBXECTIVO DE CRECER UN 1,1% EN 2012
O gasto destinado a sanidade, educación e servizos sociais superará o 75%, un 7,7% máis que en 2009
As prioridades serán continuar na senda da recuperación económica, a solvencia da Facenda autonómica e manter o Estado do Benestar
As contas reflicten un compromiso coa dependencia e os seus recursos medrarán un 2% grazas á achega autonómica
A comunidade manterá un diferencial positivo de 4,5 puntos sobre a media de España
Galicia é a única autonomía española que cumpre todas as esixencias para a consolidación fiscal
O Goberno galego reforza o financiamento das universidades con 3,7 millóns de euros máis e o dos concellos con 2,3 millóns de euros máis
Impulsa un novo modelo económico cunha aposta pola innovación e o apoio á modernización, internacionalización e mellora da competitividade e produtividade
O Consello da Xunta aprobou hoxe o proxecto de Lei de Orzamentos da comunidade autónoma para o ano 2012, unhas contas estables, sociais e prudentes, que cumprirán un ano máis o obxectivo de estabilidade orzamentaria e que prevén que Galicia creza un 1,1% o vindeiro exercicio.
O gasto non financeiro da Xunta manterase estabilizado, caerá un 0,1%, ata os 9.135 millóns de euros. O Goberno galego seguirá potenciando o gasto social, con algo máis de tres de cada catro euros para sanidade, educación e servizos sociais, o que supón un incremento de 7,7 puntos respecto ao ano 2009.
As prioridades das contas autonómicas serán continuar na senda da recuperación económica, a solvencia da Facenda autonómica e o mantemento das políticas do Estado de Benestar. Ademais, grazas ao axuste realizado nos dous últimos anos en 2012 poderanse estabilizar os investimentos orzamentarios en relación á capacidade de gasto que houbo este exercicio.
En materia de emprego, a estimación é que os axustes sufridos nos dous últimos anos permitan, con prudencia, albiscar un escenario no que se poida frear a destrución de postos de traballo e que a taxa de paro mellore lixeiramente, ata o 16,4%, co que Galicia seguirá mantendo un diferencial positivo coa media española de 4,5 puntos.
Galicia, comunidade pioneira en consolidación fiscal
Por outra banda, Galicia é a única autonomía española que máis pasos ten dado na dirección da consolidación fiscal e é a comunidade que máis se ten esixido e a que máis ferramentas ten posto en marcha. Así, dotouse dun teito de gasto por lei, que aumentou a transparencia e disciplinou a elaboración das contas; e dunha regra fiscal asociada ao ciclo económico.
Tamén foi, xunto a Madrid, a única autonomía que cumpriu tanto no ano 2009 como no exercicio 2010, o obxectivo de estabilidade orzamentaria, co que mellorou a solvencia do conxunto de España.
Ademais, a Comunidade galega incrementou a débeda por debaixo da media nos dous últimos exercicios e deseñou un Plan Estratéxico 2010-2014- Galicia 2020, que foi eloxiado polo comisario europeo, pois vai na liña da estratexia comunitaria Europa 2020.
Galicia mantense como unha autonomía fiable para os mercados, pois a pesar de acelerar a execución do plan de endebedamento anual, a mediado deste ano –último dato dispoñible- conseguiu ter un ratio débeda-PIB por debaixo da media española. Así, nun momento en que a débeda sobe en todas as administración, Galicia, que sempre respecta os límites autorizados polo Consejo de Política Fiscal y Financiera, presenta unha mellor posición comparativa.
As contas autonómicas reflicten un ano máis o seu compromiso coa dependencia, xa que os recursos que se destinarán a este ámbito social subirán en 2 millóns de euros, iso si, grazas a que a Xunta incrementa en 4,4 millóns de euros os seus fondos para contrarrestar a caída dos do Estado.
Este esforzo faise extensible ás universidade e aos concellos. Así, as universidades galegas recibirán en 2012 un total de 394 millóns de euros, 3,7 máis que o ano anterior. En canto aos concellos, a Xunta garántelles 115,3 millóns de euros, 2,3 máis, co que sumarán 66 millóns adicionais no que vai de lexislatura.
Por outra banda, os orzamentos de 2012 continuarán co liña fixada no Plan Estratéxico, cunha aposta por uno novo modelo produtivo, que se concreta en fortes incrementos en programas chave para acadalos. Así, o Plan Galego de Investigación, Innovación e Crecemento medra case un 10%; mentres que o de apoio á Modernidade, Internacionalización, Mellora da Competitividade e Produtividade Empresarial o fai case un 48%.
Breve resumo: http://www.xunta.es/c/document_library/get_file?folderId=346899&name=DLFE-12204.pdf
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
