Nota de prensa
Poio FS 5-0 Panificadora do Eo
As ribadenses non puideron estrear a súa cuadrícula na 7ª xornada. O Poio FS de Pontevedra, equipo debutante e en liña ascendente en Autonómica, tomoulle moi ben a medida ás mariñás cun contundente 5-0.
O Ribadeo saíu á pista do municipal da Seca de Poio coa intención de abandonalo con algo positivo, pero aos seis minutos se vió sorprendido polo novo equipo local, que se adiantou no marcador. Catro minutos máis tarde chegou o 2-0, coa quinta falta acumulativa. O 3-0 co que se anunciou o descanso foi obra de Nerea Moldes no lanzamento desde os 10 metros.
Na segunda metade as ribadenses, negadas na finalización, subiron a súa liña defensiva ás proximidades da meta local e tomaron as rendas do partido durante aproximadamente dez minutos, con numerosos disparos a portería e un tiro ao pau de Marta. Todas as súas recuperacións defensivas estreláronse no ataque.
Transcorría o minuto 30 cando a local Ana subiu o 4-0 ao luminoso. A partir deste momento, as xogadoras do Panificadora só esperaron a que o partido finalizase canto antes. O 5-0 definitivo chegou dous minutos máis tarde.
A próxima xornada o conxunto ribadense recibe o CD Riazor FS da Coruña (12 puntos), equipo que aínda non puntuou como visitante pero que se alza como máximo goleador da categoría con 40 tantos a favor e un dos máis goleados (29), un menos que o equipo ribadense (30).
Provincial feminina. O Xoula venceu 1-0 en Ribadeo ao Pastoriza e xa suma 9 puntos dos 12 posibles. Un gol da capitá, Yoli, na primeira metade deu os tres puntos ao equipo local. As ribadenses deberán desprazarse a próxima xornada ao Antonio Tarrío de Viveiro para enfrontarse ao Viveiro FSF.
Provincial masculina. O Ribadeo conseguiu a súa segunda vitoria ao derrotar ao Amigos de Rábade 4-2 e álzase á terceira posición da táboa. Na próxima xornada os mariñáns deberán viaxar a Sarria para enfrontarse ao Hotel Roma.
Ficha técnica
Poio FS: Alexandra, María Pérez, Ana, Paula e Nerea García, cinco inicial; tamén xogaron Laura, María Segura, Bibiana, Nerea Moldes, Tania e Sandra.
Panificadora do Eo-Ribadeo FS: Carla, Ana, Eva, Marta e María, cinco inicial; tamén xogaron Toñi, Elvira, Fátima, Arancha, Sabela, Antía e Iria.
Goles: Nerea (2), Bibiana, Ana e Paula.
Árbitros: Javier Roldán Pérez e Iván Vilariño Fontán, de Pontevedra. Mostraron cartón amarelo a María polo Panificadora.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
