Nota de prensa
A Deputación edita un libro monográfico sobre a historia do Pazo de San Marcos no 150 aniversario dos seus primeiros planos
– Gómez Besteiro presentou Proxectos para o Hospital de Isabel II, o Instituto de 2ª Ensinanza e a Deputación Provincial de Lugo, obra dos profesores lucenses María Jesús Regueiro e Julio Reboredo
– O volume, cunha coidada edición e reproducións dos planos orixinais, aborda as causas polas que no seu momento se decidiu erixir o edificio, e a súa construción e evolución arquitectónica ata o ano 1909, cando o Pazo ten xa máis ou menos o aspecto actual
– O organismo provincial publicou 1.000 exemplares numerados para que a obra poida servir como agasallo institucional da Deputación
O Presidente da Deputación, José Ramón Gómez Besteiro, presentou este luns o libro Proxectos para o Hospital de Isabel II, o Instituto de 2ª Ensinanza e a Deputación Provincial de Lugo, obra dos profesores lucenses María Jesús Regueiro Burgo e Julio Reboredo Pazos. Trátase da primeira publicación monográfica sobre a historia do Pazo de San Marcos, que a institución lucense saca á luz cando se cumpre o 150 aniversario do trazado dos primeiros planos do inmoble, uns documentos que estiveron ademais perdidos durante case 60 anos. O volume aborda as causas polas que no seu momento se decidiu erixir o edificio, e a súa construción e evolución arquitectónica ata o ano 1909, cando o Pazo ten xa o aspecto que máis ou menos presenta na actualidade. Xunto á Gómez Besteiro e os autores do libro, no acto de presentación, celebrado no salón de actos de San Marcos, estiveron Ana Goy Diz, Doutora en Historia da Arte da Universidade de Santiago, e Juan Soto, cronista oficial da provincia de Lugo.
Gómez Besteiro subliñou que esta obra, cunha “coidadísima edición e interesantes ilustracións, entre elas reproducións dos planos orixinais, desvélanos paso a paso a historia dun dos edificios emblemáticos da nosa cidade: un hospital provincial que nunca chegou a selo, a sede dun instituto da provincia que o foi só a medias, como moi a medias foi tamén Pazo da provincia ata que, hai 60 anos, empezaron a marchar de aquí, en sucesivos tempos, o Instituto, a Escola Normal de Maxisterio e a de Comercio, o Museo Provincial e por último a biblioteca”.
O Presidente destacou a importancia desta obra, xa que existen dous traballos centrados nas historia da institución –A primeira Deputación Provincial de Lugo, de Xaime Félix López Arias (ano 2004), que aborda o primeiro intento de crear a institución durante o Trienio Liberal, e unha tese doutoral de Antonio Prado Gómez (ano 2005), que versa sobre os primeiros 34 anos de vida da Deputación-, pero non había ningunha publicación que abordarse e analizase de xeito exclusivo a historia do propio Pazo de San Marcos, construído en 1866 e que o organismo provincial ocupa dende o ano 1873. “Por iso, cremos que é o momento axeitado para poñer en letra impresa este libro sobre o casón-palacio que nos acolle”, asegurou Gómez Besteiro.
Agasallo institucional e homenaxe ós arquitectos
Na presentación, o xefe da corporación provincial argumentou que, ó cumprirse este ano o 150 aniversario do trazado dos primeiros planos, o libro “serve de lembranza conmemorativa da construción do Pazo”, razón pola que o organismo lucense editou 1.000 exemplares numerados “co fin de que poida servir tamén como agasallo institucional da Deputación”.
Por outra banda, a Deputación e os autores tamén lle queren “render unha homenaxe” ós tres arquitectos que interviñeron fundamentalmente no deseño e construción do edificio, aínda que personificando ese recoñecemento no último deles, Nemesio Cobreros y Cuevillas, porque “foi o único que deixou unha pegada profunda na nosa cidade, ó fixar a súa residencia en Lugo durante case 40 anos, dende que acabou os estudos universitarios ata a súa morte, en 1909, aportando non só unha obra visible desde case todas as partes da cidade, se non tamén deixando aquí unha familia chamada a protagonizar momentos da nosa historia máis ou menos recente”, asegurou Gómez Besteiro. Así, un dos fillos do arquitecto, José Cobreros de la Barrera, foi, durante a II República, edil e Alcalde do Concello de Lugo, gobernador civil e Presidente da Deputación. Ademais, José Antonio Cobreros, neto do arquitecto, ocupou o posto de enxeñeiro xefe provincial de estradas e o de delegado da Consellería de Ordenación do Territorio. Dito recoñecemento consistiu na entrega dun dos primeiros exemplares do libro a José Antonio Cobreros, neto de Nemesio Cobreros, durante o acto de presentación do volume.
Os tres arquitectos provinciais dos que é obra o Pazo de San Marcos foron:
Ángel Cosín y Martín: Foi quen trazou en 1861 o primeiro proxecto para o que estaba destinado a ser o Hospital de Isabel II, aínda que nunca o foi.
Rafael de Luque y Lubián: Rectificou ese proxecto inicial para axustar o presuposto e para convertelo no Instituto da provincia.
Nemesio Cobreros y Cuevillas: Correspondeulle, desde 1870, encargarse da dirección das obras e rematar o edificio para, máis adiante, dotalo da fachada que hoxe podemos ver só levemente alterada.
Os autores
María Jesús Regueiro Burgo e Julio Reboredo son os autores do libro sobre a historia do Pazo. Ámbolos dous son profesores. María Jesús Regueiro ten estudos de Enfermería e Humanidades pola Universidade de Santiago de Compostela, e exerce de profesora na Escola Universitaria de Enfermería de Lugo. Pola súa banda, Julio Reboredo, é licenciado en Xeografía e Historia pola USC, e leva un cuarto de século dedicado á ensinanza de historia.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
