Nota de prensa:
JUANMA: ‘DEBEMOS SAÍR CUNHA EXPOSICIÓN AGRESIVA PARA POÑERLLO DIFÍCIL AO LOBELLE’
A emoción da Copa do Rei volve a Vista Alegre mañá, ás 18.30 horas, co enfrontamento entre o honorable Autos Lobelle de Santiago FS e o Burela FS Pescados Rubén, na terceira eliminatoria. “Debemos saír cunha exposición agresiva para poñerllo difícil ao rival e sendo conscientes da complexidade da cita” manifestou o capitán laranxa, Juanma Marrube, que prognosticou como un encontro “moi bonito, atractivo para a bancada e cun grande ambiente que pode ser moi contaxioso”.
Os burelaos mediranse a un rival que, dende a oitava praza da elite, pelexa por facerse cun billete para a Copa de España. “É unha eliminatoria a un só partido ante un equipo da Primeira División; non fai falta máis motivación” dixo o alfocego, que tamén falou da boa actitude do vestiario laranxa e do seu camiño na liga: “Tras unha derrota o mellor é xogar canto antes para resarcirse. A derrota en Martorell foi unha mágoa porque era un rival directo e podiamos estar agora mesmo a 5 puntos del, pero debemos facer unha lectura positiva porque a táboa está moi apertada e tan só estamos a 1 punto da segunda praza. Para seguir medrando debemos atopar a regularidade que vimos buscando dende o comezo da tempada tanto en resultados como en xogo durante os encontros”, comentou o ala-pivote mariñán.
“O Lobelle tamén encara a cita con ansiedade posto que vén de caer ante o Inter Movistar (0-2). Intensidade e ritmo definen o seu xogo, cunha filosofía moi marcada en intensidade defensiva e presión a balón; é un conxunto que vive moito dos erros defensivos do rival” analizou o Mariskal.
A última vez que se viron as caras santiagueses e burelaos foi na pretempada, a comezos de setembro, cun axustado 2-3 para os de Tomás de Dios.
No caso de saír vencedor da contenda galega, o Pescados Rubén coñecerá a identidade do próximo rival, o 13 de decembro, data para a que está prevista o sorteo da cuarta eliminatoria, na sede da RFEF.
A venda de entradas en Vista Alegre abrirase cunha hora de antelación. O prezo para socios/as será de 3 euros e para non socios/as de 10. Cada entrada entrará no sorteo dunha suculenta cesta de Nadal, cuxo gañador/a se coñecerá durante o descanso do encontro.
Un xoguete, unha ilusión. Todas as persoas interesadas poderán contribuír co seu gran de area na campaña de recollida de xoguetes da Cruz Vermella “Un xoguete, unha ilusión”, na que colabora a peña A Pataca Naranxa. Así, ata o 20 de decembro, poderán depositar os seus agasallos no pavillón Vista Alegre, de luns a venres pola tarde, coincidindo coa apertura das instalacións deportivas para os diferentes adestramentos, e nos partidos do equipo sénior masculino na casa, o 6 (Copa do Rei, Autos Lobelle) e o 17 de decembro (UPV Maristas Valencia). A Pataca Naranxa tamén manterá o servizo de recollida a domicilio, co que comezou hai xa dous anos (número de contacto: 607 74 87 86).
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
