Nota de prensa:
SOGAMA II: a Xunta, facendo política-ficción coa xestión do lixo
5 de decembro de 2011. O recente anuncio de que a incineradora da SOGAMA do sur irá no concello d’O Irixo da man de Estela Eólica, non por agardado deixa de sorprender. Sorprende que a Xunta siga apostando pola incineración e o vertido, contrariamente ao recomendado nas directivas europeas e nas leis de residuos estatal e galega. Sorprende que a unha empresa eólica se lle adxudique “a dedo” un servizo público sen mediar concurso. Sorprende que un recurso de todos/as, os residuos urbanos, vaian ser privatizados para lucro dunha empresa. Sorprende… ou non? O que está claro é que despois de meses de indefinición, escurantismo e cálculos eleitoralistas, a Xunta insiste en continuar coa farsa da incineradora do sur: no actual contexto económico e cun horizonte de forte redución das primas eólicas, que empresa vai adiantar 230 millóns de € para que en 2014 funcione a incineradora d’O Irixo sen ter seguros os ingresos dos muíños?
O Plano de Xestión dos Residuos Urbanos de Galiza (PXRUG) 2010-2020 aprobado pola Xunta do PP aposta fundamentalmente pola incineración á que adica o 60% do investimento en infraestruturas e o 48% do orzamento total. Porén, segundo datos do propio PXRUG, de todo o lixo que chega a SOGAMA (900.000 Tm anuais) e logo de descontar a perda de auga no proceso de secado (para o que se queiman medio millón de megawatios de gas natural ao ano), preto do 72% vai directamente a vertedoiro. Precisamente hai un par de meses a Xunta aprobou un investimento de 10,3 millóns de € para alongar o vertedoiro de SOGAMA para e seguir recibindo lixo cando menos até 2013 (ano eleitoral).
Este é o modelo que Feijóo e Hernández pretenden reproducir agora no concello d’O Irixo coa segunda incineradora. Un modelo caduco, ruinoso para os concellos e insolidario coa cidadanía que se esforza en separar para que a Xunta remate botando case todo ao vertedoiro. SOGAMA, un sistema supostamente creado para evitar a contaminación dos residuos urbanos resulta que é unha das empresas que máis contaminan en Galiza. Ela soa é a responsábel de afundir os índices de reciclaxe galegos a níveis terceiro mundistas malia aos bos resultados en separación e compostaxe de Nostián e sobre todo Lousame.
Tendo en conta que a incineradora de SOGAMA segue a consumir máis enerxía da que produce (xerou 459.867 Mw e consumiu 507.914 Mw en 2008) onde está pois o negocio? Pois nas cuotas cada vez máis caras que se cobran aos concellos polo transporte e “tratamento” (máis da metade do recollido directamente e vertedoiro); nas consultorías e contratos de servizos paralelos coas empresas vencelladas a GN-Fenosa que ademáis cobra polo gas queimado para secar o lixo e pola electricidade que xenera a planta…
Para Estela Eólica o ruinoso “negocio” de montar unha incineradora complementariase co ingresado polos parques eólicos adxudicados (186 Mw). Mais esta previsión está en risco: as primas á electricidade eólica están á baixa, mesmo perigan para os parques con máis de 1500 h de vento ao ano, isto é, todos os galegos. Nesta tesitura, que bancos van conceder os cretos necesarios (1 millón de € por Mw) para unhas instalacións cuxa rendibilidade vai ser pasado mañán moito menor do que é hoxe? Se hoxe un parque eólico galego de 30Mw ingresa anualmente uns 1,5 millóns de € en primas a partir de xaneiro de 2013 só serían 375.000 €. De onde van saír pois os 230 millóns de € que Estela Eólica hai que poñer xa enriba da mesa para que en 2014 esté rematada a SOGAMA II, do IGAPE?
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
