Nota de prensa
O BURELA FS PON CONTRA AS CORDAS O HONORABLE LOBELLE (5-6)
Vista Alegre engalanouse onte de espectáculo, e espectáculo laranxa, nunha cita digna da máxima categoría na que o Burela FS Pescados Rubén puxo contra as cordas o Autos Lobelle de Santiago FS, da Primeira División (5-6). Os mariñáns tiveron que dicirlle adeus á Copa do Rei, na terceira eliminatoria, a dous minutos de finalizar a prórroga, oportunidade á que os composteláns accederon co 5-5 a escasos segundos de cumprirse o tempo regulamentario.
O Pescados Rubén apropiouse da primeira parte do duelo galego. Antes de chegar ao minuto 3, Clebinho estreou o luminoso, aproveitando de tacón un lanzamento de Juanma desviado, e continuaron as ocasións laranxas: un control de Dani Martín, só ante Álex, e un pase de André a Iago Míguez, que quedou sen forza, estiveron entre as mellores. Nuns momentos nos que comezada a imprimir certo carácter o Lobelle, Dani Martín ampliou as distancias co 2-0 (minuto 17).
Tras o descanso, o Autos Lobelle igualou a contenda nos dous primeiros minutos, por mediación de Aicardo (21), nun rexeitamento de Iago Barro, e de David (22). Os santiagueses intensificaron o seu ataque con intervencións moi oportunas do meta laranxa; no entanto, Aicardo volveu aparecer para materializar o 2-3 (minuto 33) a balón parado, tras unha falta sinalada a Cleber. Lonxe da intimidación, con este tanto o Burela FS destapou as esencias goleadoras; así Juanma aproveitou un cruzamento de Dani Martín, tras unha galopada de Clebinho, para subir a igualada no 34, minuto no que volveu avantaxar o Lobelle, nunha contra, nas zapatillas de Rubi, e Víctor Cachón recuperou as táboas, 4-4. Vista Alegre era unha festa.
Coa acumulación de faltas por parte dos composteláns, de novo o andaluz tivo nos seus pés a superioridade nun dobre penalti un pouco frouxo, pero apareceu Dani Martín (minuto 36) co 5-4 para facer estalar os máis de 800 espectadores que onte se reuniron na bomboneira. Aínda tivo oportunidade Juanma, tras a expulsión de Hamza, por dobre amarela, nun lanzamento que se lle foi alto. Con Barroso como porteiro xogador, o Autos forzou a continuidade da cita a 17 segundos do final, nas zapatillas de Chaguinha.
A chegada da prórroga tampouco defraudou en espectáculo, cunha dose extra de emoción, aínda que con menos ocasións por ambas as dúas bandas; no primeiro tempo a saída de Brais, para deter un dobre penalti de Aicardo, fíxolles seguir crendo na Copa aos burelistas. No cambio de campo, a escuadra mariñá saíu a por todas con André como porteiro xogador, pero a vantaxe chegou do lado visitante, de David (minuto 47). A 35 segundos para o final un forcexo na área lobellista negoulle unha grande oportunidade a Dani Martín e aínda seguiu pelexando o cadro laranxa recorrendo a Purao no xogo de cinco ata o asubío final.
O Burela FS Pescados Rubén despediuse da Copa do Rei cun máis que merecido aplauso de Vista Alegre.
Ficha técnica
Burela FS Pescados Rubén: Iago Barro, Purao, Juanma, Clebinho e Manu, no quinteto inicial; tamén xogaron Víctor Cachón, Ique, Turero, André, Dani Martín, Iago Míguez e Brais
Autos Lobelle de Santiago FS: Álex, Barroso, Hamza, Aicardo e Charlie, no quinteto inicial; tamén xogaron Palmas, Rubi, David, Chaguinha, Raúl Campos, Quintela e Carlos Barrón.
Goles: 1-0, Clebinho, minuto 2; 2-0, Dani Martín, minuto 17; 2-1, Aicardo, minuto 21; 2-2, David, minuto 22; 2-3, Aicardo, minuto 33; 3-3, Juanma, minuto 34; 3-4, Rubi, minuto 34; 4-4, Víctor Cachón, minuto 34; 5-4, Dani Martín, minuto 36; 5-5, Chaguinha, minuto 39; 5-6, David, minuto 47.
Tarxetas: Polo Lobelle recibiron amarela Palmas, Aicardo e Charlie; foi expulsado Hamza por dobre amarela (37) e o adestrador, Tomás de Dios. Polo Burela FS, tiveron cartón amarelo Manu e Clebinho.
Incidencias: Arredor de 800 espectadores/as
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
