Nota de prensa
O PARTIDO POPULAR DE A PONTENOVA NON ENTENDE A ACTITUDE DO CONCELLO COA ASOCIACIÓN DE ARTESÁNS DE A PONTENOVA
Ante a inminente celebración da FEIRA DE ARTESANÍA de A Pontenova o Partido Popular non entende a actitude do Concello coa Asociación de Artesáns e coas declaracións inexactas feitas polo concelleiro Francisco Martínez en canto ao número de artesáns existentes na Pontenova. Desde o PP consideramos esas declaracións como un menosprezo ao resto dos artesáns acreditados na Pontenova e tamén un menosprezo para todos aqueles “artesáns” veteranos do concello que aínda que sen Carta de artesán, exerceron como tales e, ademais, entendemos que na Pontenova é necesario unir e non dividir e fomentar o enfrontamento que é o que está a facer o equipo de goberno municipal.
Na Pontenova vense organizando unha Feira de Artesanía por parte da Asociación de Artesáns desde xa vai catro anos, sendo esta Asociación a iniciadora, creadora e organizadora desta Feira na Pontenova, polo que seguimos sen entender por que nin por que ocultas razóns (que non sexa o de querer colgarse o Concello unhas medallas e saír nunha foto que moralmente non lle corresponden) este ano o equipo de goberno non chegou a un acordo de colaboración coa asociación de Artesáns e tampouco entendemos por que razón non se puxeron a disposición da mesma os mesmos medios e vontade que se están a despregar agora ca organiza o propio Concello.
Desde o PP apoiamos todas as actividades que se fagan na Pontenova pero pensamos que con estas actitudes por parte do goberno municipal o único que se consegue e dividir o pobo, provocar enfrontamentos innecesarios e “desmantelar” o tecido asociativo do Concello sobre todo con aquelas asociacións que “supoñen” non afíns a eles.
Dende o Partido Popular de A Pontenova apoiamos e recoñecemos toda a labor asociativa das moitas asociacións e sociedades sen ánimo de lucro que colaboran na vida social do noso concello e de todas as directivas que poñen o seu tempo libre a disposición de todos os veciños e veciñas, e consideramos que a actitude que está a ter o noso concello e en particular o seu tenente de alcalde Francisco Martínez non é de recibo coa importante labor que a asociación de artesáns veu a desenvolver no noso concello.
Nosoutros como membros da corporación municipal queremos reiterar o noso apoio a todas aquelas institucións sen ánimo de lucro que traballan polo noso concello e a todas as actividades que organizan, e preguntámonos si o Concello de A Pontenova estaría en situación de organizar todos eses eventos que realizan todas as nosas asociacións, ou si só mostra, “por casualidade”, interese por este determinado evento.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
