Nota de prensa
Os populares amosan a súa grande preocupación pola situación dos traballadores da Mariña central afectados polas malas novas sobre os peches e despedimentos anunciados nas últimas semanas e trasladan iniciativas de apoio a este colectivo no Parlamento galego e concellos
O PP insta á Xunta a promover medidas de recuperación produtiva e creación de emprego en Mondoñedo e Lourenzá
Piden reforzar as políticas activas no ámbito laboral, para orientar, formar e insertar profesionalmente aos parados así como medidas de impulso de novas oportunidades empresariais na zona e de autoemprego.
Para o PP o combate a esta situación obriga a unir esforzos entre administracións de distinto tipo (autonómica, locais, provincial e estatal), axentes sociais e empresariais e por desterrar as políticas que fixeron de España o líder europeo en destrución de emprego.
A Mariña, 8 de decembro de 2011.- O Partido Popular insta ao Goberno galego a poñer en marcha as decisións e mecanismos oportunos dirixidos á recuperación produtiva e á creación de novas oportunidades laborais na comarca da Mariña central e nomeadamente nos concellos de Mondoñedo e Lourenzá. Con este obxectivo presentou sendas iniciativas tanto no Parlamento de Galicia como nos dous plenos municipais destes concellos que hoxe mesmo deron a coñecer os deputados populares Jose Manuel Balseiro e Emma Álvarez e os dirixentes do PP local Vidal Martínez Sierra e Elena Candia.
Os populares amosan a súa preocupación pola sucesión de malas noticias relacionadas co peche de empresa e despedimentos que afectan aos traballadores desta comarca e nomeadamente dos concellos de Lourenzá e Mondoñedo, e xa adiantan que trasladaron varias iniciativas de apoio a este colectivo diante da administración autonómica.
MEDIDAS ACTIVAS
Na súa proposta os populares piden reforzar as políticas activas no ámbito laboral -naqueles espazos nos que é competente a Xunta- para orientar, formar e insertar profesionalmente aos desempregados así como medidas de impulso de novas oportunidades empresariais na zona que contribúan á creación de novos postos de traballo e ao apoio do autoemprego. Neste ámbito concreto sinalan os beneficios aos que poden acollerse no marco do programa Impulsa Lugo.
Os populares creen necesario reforzar na Mariña central distintas accións, como son as destinadas á reflectir as necesidades específicas das empresas locais, accións formativas con compromiso de contratación ou programas públicos tales como obradoiros, cursos, … etc. que unan emprego e formación e que permitan incrementar a empregabilidade das persoas afectadas polos despedimentos.
XUNTANZA CO COMITÉ DA EMPRESA ECAR
Precisamente no día de hoxe unha delegación do Partido Popular mantivo unha xuntanza co comité de empresa de ECAR en similitude coa que mantiveron nas pasadas datas cos representantes dos traballadores de Muebles Hermida. Nela os populares trasladaron o apoio desta formación política ao persoal destas compañías e as distintas iniciativas desenvolvidas ata o momento.
Sen espazo para a dúbida, os populares consideran que o combate a esta difícil situación obriga a unir esforzos entre administracións de distinto tipo (autonómica, locais, provincial e estatal), axentes sociais e empresariais, todo elo coa finalidade de impulsar decisións e mecanismos dirixidos á recuperación produtiva e á creación de novas oportunidades laborais nesta comarca ao mesmo tempo cómpre desterrar as políticas que fixeron de España o líder europeo en destrución de emprego.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
