O alcalde de Burela non aporta solucións e descalifica a quen non apoia ao seu grupo en matería de pesca

Nota de prensa

GONZÁLEZ BARCIA CONSIDERA UNHA DESFACHATEZ POLÍTICA QUE PSOE E BNG NON APOIASEN HOXE NA DEPUTACIÓN UNHA MOCIÓN PRESENTADA POLOS POPULARES SOBRE A READAPTACIÓN DAS COTAS PESQUEIRAS. O ALCALDE DI QUE ESTAMOS DIANTE DUN ATENTADO ÁS POSIBILIDADES DE FUTURO DO SECTOR E SUBLIÑA QUE A FLOTA DE BURELA ESTÁ DESAMPARADA.

Burela, 31 de xaneiro de 2012. O alcalde de Burela, José Mª González Barcia, considera unha desfachatez política que PSOE e BNG non apoiasen hoxe na Deputación unha moción presentada polo PP para a readaptación das cotas pesqueiras. González Barcia tilda o acontencido de atentado ás posibilidades de futuro do sector e considera que a flota de Burela está desamparada.

O rexedor asegura que “hai uns minutos acabo de asistir a unha mostra clara de non protección do sector pesqueiro da nosa provincia. Na Deputación o PSOE e o BNG acaban de votar en contra de que se reformulen e se readapten as cotas pesqueiras á realidade actual, e eso é un atentado ás posibilidades de futuro que teñen as flotas de Burela e de Celeiro”.

González Barcia fixo fincapé especial no porto de Burela, “a día de hoxe todo o mundo sabe e o sector, sobre todo, porque así o está a manifestar día tras día, que o quere o sector é unha readaptación das cotas de pesca porque, precisamente, o sistema que hai agora é anticuado e non ten ningunha razón de ser. Cando se plantexa por parte do Grupo Popular, tanto hai uns días no Concello de Burela coma hoxe na Deputación, unha moción onde se pide claramente que se readapten as cotas de pesca á situación actual por parte da Unión Europea, resulta que PSOE e BNG votan en contra. E esto téñeno que saber os cidadáns de Burela, especialmente as persoas vinculadas co sector pesqueiro”.

O alcalde burelés subliña que “é, políticamente falando, un atentado contra as posibilidades de futuro do sector. É lamentable ver que o portavoz do PSOE no Concello de Burela veña decindo que desde o PP non se apoia ás empresas e aos sectores en crise. Eles hoxe acaban de demostrar a súa desfachatez política poñéndose de costas as intereses do sector pesqueiro de Burela, uns intereses que non son outros que os do Concello de Burela, porque todos sabemos que Burela vive do que vive”.

Barcia pídelles públicamente ao presidente da Deputación de Lugo, o señor Gómez Besteiro, e ao portavoz do PSOE no Concello , o señor Llano, que lle expliquen ao sector pesqueiro cales son os motivos que os levan a semellante toma de decisións. Acaban de deixar ao sector completamente desamparado e os cidadáns de Burela deben saber que o único partido político que está a apoiar esa readaptación das cotas pesqueiras para garantir o futuro da nosa flota pesqueira é o PP”.