UDIVAL explica que a súa iniciativa de convocar un concurso aberto para a limpeza das garderías afórralle ao concello 10 mil euros

Nota de prensa

AFORRAR 10.000€, ESO É SABER GOBERNAR

Cando os independentes presentamos unha moción para que se estudiase a forma máis económica de realizar a limpeza das instalacións da gardería, estábamos convencidos de que o custe ata o momento era excesivo (15.000 €/semestre, e decir 2.500€/mes ) e que a adxudicación directa, que realizaba o Alcalde, servía únicamente para SANGRAR as arcas municipais.

Este venres, ao coñecer as distintas ofertas presentadas por cinco empresas interesadas en prestar ese servicio, demostrouse que a nosa era unha moción necesaria, pois gracias a ela convocouse un procedemento aberto de adxudicación (toda empresa interesada puido presentarse coa súa oferta nun sobre pechado) e como resultado o noso Concello vai aforrar uns 10.000€ ao ano. De custar 15.000€ ao SEMESTRE pasaremos a pagar 20.000€ ao ANO, por moi incrible que sone.

Cando se comezou con este servicio, fai ano e medio, explicóuseme que se facía unha adxudicación directa porque non había tempo para negociar nada. Seis meses máis tarde o contrato prorrogouse. Logo chegaron as eleccións e a encargada da limpeza contratada para este servicio (actual Concelleira de Asuntos Sociais) apareceu, por casualidades da vida, de número 3 nas listas do PP.

Pasado un ano, o goberno do Valadouro (PP) vese que aínda non tivera tempo suficiente para darse conta de que esta limpeza estábanos a saír “un pouquiño” cara, pois D. José Lamela decidiu volver adxudicar o contrato directamente á mesma empresa… Pero, cun custe de 2.500€/mes ¿qué alcalde, con sentidiño, dudaría en coller ese “ofertón”?.

O que sucedía con esta contratación era tan “descarado” que a empresa que estaba a realizar ese servicio ata agora tivo O VALOR de presentar este venres unha oferta na que, ademais de limpar o que xa limpaba con dúas horas menos ao día de traballo, realizaría a maiores, a limpeza mensual dos parques infantís e o biosaludable cobrando 20.000€, e dicir, por encima dun millón e medio das antigas pesetas (case 10.000€/ano) MENOS do que estaba a cobrar ata agora… ¿Vostedes entenden algo?.

¿Qué lectura espera o señor alcalde que fagamos os veciños do sucedido?. Dende logo queda probado que, como sostíñamos os independentes, o custo deste servicio era excesivo e que as contratacións directas con fondos públicos, aínda que sexan máis “manexables”, non son o proceso máis idóneo.

Recordarlle ao Alcalde que o Concello de O Valadouro non é unha empresa privada, na que el é o máximo accionista, polo que non pode nin debe usalo para pagar favores persoais. Todo contrato debe facerse cun proceso aberto ou cunha oposición na que se contabilicen os méritos de formación e experiencia REAIS.

Unha vez máis o sucedido coa limpeza da gardería pon de manifesto a inoperancia do goberno do Valadouro e o fácil que é dilapidar os cartos dos veciños.

PD. Eu, concelleira traballadora (como di D. Lamela na súa entrevista), recordo que, antes de calquera gasto, incluso tan insignificante como o detalle para os nosos maiores, chamaba a numerosas empresas e ata negociaba persoalmente o prezo, pois era consciente de que cada euro, cada céntimo, que gastaba non era meu. Xa ve, Sr. Alcalde, ambos facemos e recordamos as cousas de distinta forma pois, para min, ese modo de actuar non é ser máis ou menos traballador só ser responsable, pero, está claro, que a integridade nace con un.