Nota de prensa 1/2
Cinthya Valeska Astorga López, estudante de 2º do Ciclo Medio de Servizos do IES de Foz foi a gañadora do V Campionato Internacional de Baristas das Escolas de Hostelería. Durante toda a mañá os representantes das Escolas de Hostelería de Galicia, Cantabria, Asturias e Portugal tiveron 15 minutos para preparar catro expressos, catro capuccinos arte (expresso ao que se lle engade leite emulsionado), catro bebidas fantasía sen alcohol (bebida de creación propia, que ten como base o expresso, e á que se lle poden engadir os ingredientes e aditivos que se desexe). A gañadora realizou nesta última proba unha bebida baseada na tarta de Mondoñedo, utilizando como ingredientes a améndoa e o cabelo de anxo.
Nota de prensa 2/2
Gómez Besteiro clausura o V Campionato Internacional de Baristas de Escolas de Hostalería organizado polo IES de Foz
– O Presidente destacou a aposta do instituto mariñano por unha especialidade profesional que “aumenta as posibilidades de inserción laboral” no sector servizos, ó que se dedican o 70% das empresas radicadas na comarca
– A Deputación, a través da Fundación TIC, contribúe á difusión dos certames de baristas que promove o centro educativo focense dende a súa primeira edición
O Presidente da Deputación de Lugo, José Ramón Gómez Besteiro, participou este martes, xunto ó alcalde focense, Javier Jorge Castiñeira, na clausura do V Campionato Internacional de Baristas de Escolas de Hostalería que acolleu o IES de Foz, un acto no que fixo entrega do primeiro premio do certame. O Presidente destacou “a gran labor” que desenvolve o instituto focense por promocionar unha especialidade profesional, “a arte de preparar cafés”, que se está revelando “como unha alternativa que aumenta as posibilidades de inserción laboral”. Subliñou neste senso que a Deputación comparte a aposta do centro educativo, “porque sabemos que o sector servizos é estratéxico na Mariña, pois, das máis de 5.000 empresas radicadas na comarca, o 70% dedícanse a esta actividade, e porque a formación especializada e a profesionalización da hostalería é unha das fórmulas para reducilo desemprego”.
De feito, o organismo provincial, a través da Fundación TIC, colabora na difusión dos campionatos de baristas que organiza o IES dende a súa primeira edición. Este ano, ó igual que nos anteriores, os alumnos do segundo curso dos ciclos de Produción e Realización da Escola de Imaxe e Son (EIS) da Fundación TIC realizarán a gravación íntegra de ambos os dous certames –Campionato Internacional de Baristas de Escolas de Hostalería e Campionato de Baristas Rexión Noroeste SCAE-, o que permite a reprodución simultánea das demostracións dos participantes nunha pantalla. Posteriormente, os estudantes da Escola de Imaxe editarán un DVD, que se entregará ós responsables do IES de Foz para divulgalos eventos.
Trala celebración hoxe do Campionato Internacional de Baristas -no que participaron 15 escolas de hostalería de Galicia, Asturias, Cantabria e Portugal- mañá terá lugar o IV Campionato de Baristas da Rexión Noroeste SCAE (Asociación Europea de Cafés Especiais) de España, na que se darán cita 12 profesionais da hostalería de todo o país. Ó igual ca hoxe, haberá demostracións de Latte Art –deseños creados na superficie de cafés expresos- a cargo de ex alumnos do IES de Foz e degustacións de café gratuítas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
