Nota de prensa
O BNG DE LOURENZÁ INSTA AO GOBERNO MUNICIPAL A BUSCAR SOLUCIÓNS PARA OS VECIÑOS AFECTADOS DOS MONTES DE SAN LOURENZO
Lourenzá, 13 de febreiro de 2012. O BNG de Lourenzá ven de presentar o día 13 unha moción nas oficinas do concello coa cal pretende solucionar o problema co que se están a atopar moitos veciños do lugar de San Lourenzo na parroquia de San Xorxe para poder dar entrada á maquinaria pesada para realizala tala dos montes, compre recordar que o camiño que daba acceso a todas estas parcelas é o camiño polo que discorre unha variante do camiño Norte de Santiago que ven dende a antiga capela de San Marcos (Trabada) para pasar pola parroquia de San Xorxe de Lourenzá de camiño a Mondoñedo.
O movemento veciñal reclamou no seu día o arranxo de dita senda pois no estado no que se atopaba facíase imposíbel transitar con calquera tipo de vehículo e moito menos poder cortar a madeira dos montes, con esa finalidade se mobilizaron os veciños que mediante unha recollida de sinaturas solicitaron o arranxo do camiño, pero en troques de arranxar o camiño coa finalidade que solicitaban os veciños, para o cal puxeron as súas sinaturas, o que se fixo foi arranxar o camiño como parte do camiño de Santiago dotándoo de marxes de pedra e cunetas feitas de cachotaría de pedra o cal implica que a maquinaria empregada polos madeireiros, ao tratarse de maquinaria pesada, podería romper todos estes acabados co prexuízo que elo lles suporía. Neste senso o concelleiro portavoz nacionalista César Docampo argumentou: “ non acabamos de entender como unha iniciativa veciñal encamiñada a arranxar o camiño para así ter mellor acceso aos montes e poder traballalos acaba desembocando en que agora ningún madeireiro queira usar o camiño por medo a rachar algún dos valados ou cunetas e expoñerse á conseguinte sanción, os veciños reclamaron o arranxo do vía para a súa explotación forestal e agora o que se atopan é que ningún madeireiro quere meter as súas máquinas a talar alí. Nos puidemos falar con varios veciños afectados e todos coinciden en que asinaron para arranxalo camiño e así ter mellor acceso e non como di algún deles textualmente para restaurar unha variante do Camiño Norte de Santiago polo que pasan catro persoas contadas ao ano”.
O BNG de Lourenzá entende o feito de que se queira protexer esta variante do camiño de Santiago pero tamén considera que en este preciso momento de crise económica o feito de vender a madeira dun monte pode supoñer unha axuda económica moi importante para as familias, e coa finalidade expresada na moción presentada reclama do concello de Lourenzá unha solución para todos estes veciños afectados e que a súa vez se senten enganados pola xestión que o concello fixo deste asunto. O concelleiro do BNG de Lourenzá expresou :” comprendemos e apoiamos a necesidade da posta en valor do Camiño de Santiago en tódalas súas variantes, xa sexa como ben cultural de incalculabel valor que facilita a trasmisión da cultura galega alén das nosas fronteiras, ou como o importante e positivo motor económico que o Camiño de Santiago supón para o noso pais ao tratarse dun destino turístico quizais dos máis importantes hoxe en día a nivel europeo e mundial pero entendemos que non é de recibo entorpecer a explotación forestal destes montes nin ocasionar perxuizos aos propietarios dos mesmos se temos en conta que ate o de agora a pista en cuestión servía as duas finalidades”.
No tocante aos recortes que o goberno de Lourenzá está a emprender en case que tódalas áreas da sua xestión o BNG de Lourenzá tamén mostrou o seu desacordo con respecto ao proceder do concello co regulamento do alumeamento público ao considerar que se está a facer sen ningún tipo de orde nin criterio, neste senso o concelleiro nacionalista César Docampo dixo: “Xa non sabe un o que se pode esperar pois tanto se encenden todas as farolas como ningunha, teoricamente íase a facer por zonas, reducindo o número de puntos de luz por zona dun xeito paulatino, pero polo momento non se está a cumprir e ate o de agora había rúas enteiras que se quedaron sen ningún alumeamento varias noites seguidas, o BNG de Lourenzá aplaude a medida que o equipo de goberno quere levar a cabo pero pedímoslles que o fagan dun xeito máis ordeado e profesional”.
Es posible que tu navegador no permita visualizar esta imagen.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
