Nota de prensa
O EQUIPO DE GOBERNO TRABALLA PARA ABRIR CANTO ANTES O CENTRO DE DÍA DA FUNDACIÓN EU SON. DIANA DURÁN ANUNCIA UNHA XUNTANZA COAS FAMILIAS INTERESADAS EN BENEFICIARSE DESTE EQUIPAMENTO DIRIXIDO A PERSOAS CON DISCAPACIDADE INTELECTUAL.
Burela, 22 de marzo de 2012. O equipo de goberno traballa para abrir o centro de día da Fundación Eu Son na maior brevidade posible. A concelleira de Servizos Sociais, Diana Durán, anuncia que nos vindeiros días haberá unha xuntanza coas familias interesadas en beneficiarse deste equipamento dirixido a persoas con discapacidade intelectual.
Durán e o alcalde, José Mª González Barcia, mantiveron desde a súa chegada ao padroado da Fundación Eu Son varias reunións coa secretaria xeral de Política Social, Coro Piñeiro, e coa conselleira de Traballo e Benestar, Beatriz Mato. A edil popular sinala que “precisamente o martes pola mañá tivo lugar unha reunión do padroado da Fundación Eu Son coa finalidade de explicar e puntualizar todos e cada un dos pasos que o equipo de goberno municipal está a levar a cabo para abrir o centro de día á maior brevidade posible, contando coa aprobación unánime dos membros do padroado en canto ás liñas de actuación que se están a desenvolver. Tanto é así que nuns días celebrarase unha reunión coas familias interesadas en beneficiarse deste equipamento dirixido a persoas con discapacidade intelectual, co claro obxectivo de explicar de primeira man as condicións de acceso ao servizo, os seus programas, actividades, servizos complementarios e calquera outra dúbida que lles poida inquietar”.
Para o equipo de goberno “queda demostrado unha vez mais que os populares non permanecen quietos á espera de que apareza o traballo feito, senón que sabedores de que os tempos están sendo moi duros hai que esforzarse para levar adiante o traballo e ver os proxectos rematados. Por iso se está a loitar de forma rigorosa pola apertura do centro de día e todo elo en meses, nun tempo récord”.
Diana Durán dixo que “en catro anos de mandato o bipartito non foi capaz de iniciar ningunha xestión. A concelleira de Benestar e o alcalde, vicepresidenta e presidente do padroado da Fundación Eu Son respectivamente, non foron capaces de tramitar ningunha praza concertada que a Consellería de Traballo e Benestar concedeu a outros centros de día coas mesmas características. Neves Cando non mantivo nin unha soa vez reunión algunha coa Xunta de Galicia e o alcalde, no seu defecto, creu que con ir unha vez estaba resolta a adxudicación de prazas. Lonxe disto, esperaron ambos os dous sentados e non previron outras posibles vías de acceso para as persoas beneficiarias”.
Antecedentes
A concelleira de Servizos Sociais fixo un repaso cronolóxico do acontecido nos últimos anos. Diana Durán indicou que “todos os trámites do centro de día foron comezados polo anterior goberno municipal do Partido Popular” e relatou que “con data 01/03/2010 tivo entrada no rexistro xeral da Xunta de Galicia a solicitude presentada pola entidade Fundación Eu Son de autorización do inicio de actividades para o centro de día para persoas con discapacidade intelectual. O 31 de marzo do mesmo ano a Secretaría Xeral de Familia e Benestar ditou resolución a dita solicitude onde se sinala a concesión da autorización de inicio de actividades para o centro de día de Burela situado en rúa Suafonte nº 47, portal 3 baixo”.
Desde o equipo de goberno do PP lembran que “dado que a anterior autorización administrativa presentaba caducidade dun ano dende que se ditou, por parte do padroado da Fundación Eu Son solicítase en rexistro xeral o 22/03/2011 autorización de cesamento de actividades temporal con carácter total para o centro de servizos sociais de referencia. O 25 de abril do ano pasado a Secretaría Xeral de Familia e Benestar ditou resolución de autorización de cesamento temporal de actividade desde ese día e ata o 25 de outubro de 2011. A segunda prórroga foi solicitada o 14/10/2011, polo que actualmente o centro conta cunha nova autorización de cesamento temporal de actividades dende o 26 de outubro de 2011 ata o 26 de outubro do presente ano”.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
