A Deputación anuncia que prorroga ata xuño o porgrama Todos a Xogar

Nota de prensa

ANTONIO VEIGA ANUNCIA A CONTINUACIÓN DE “TODOS A XOGAR”, QUE LEVOU O DEPORTE A 135 ASOCIACIÓNS

Segundo explicou o vicepresidente, o programa prorrogarase tal como agora até xuño e logo do verán váiselle dar continuidade

Veiga ratificou a importancia do programa que chegou a 2000 usuarios “para achegar a práctica deportiva ao rural lucense como tamén a colectivos con discapacidade ou en risco de exclusión como as persoas maiores”

Lugo, 22 de marzo de 2012. O vicepresidente da Deputación de Lugo e responsábel das Áreas de Benestar Social e Deporte, o nacionalista Antonio Veiga, xunto ao delegado de Cultura e Turismo, Mario Outeiro, compareceron en rolda de prensa esta mañá no Pazo dos Deportes de Lugo, acompañados dos 25 monitores e monitoras do programa “Todos a Xogar”, para anunciar precisamente a estes e aos medios de comunicación a prórroga até o mes de xuño deste importantísimo programa de dinamización social a través do deporte, e o mantemento do seu funcionamento unha vez pase a época estival. Segundo explicou Antonio Veiga, “tras comprobar que a posta en marcha deste proxecto foi un auténtico éxito polo nivel de logros acadado e pola propia demanda que tivemos das asociacións, plantexámonos facer un esforzo para prorrogalo tal e como até agora até o mes de xuño, xa que o programa leva en marcha desde novembro e finalizaría agora en marzo”.

Veiga explicou que “son 135 as asociacións de toda a provincia e aproxi que se beneficiaron deste programa repartidas da seguinte maneira: repartidas da seguinte maneira: no programa “Eu tamen xogo no Breo, baseada na promoción de exercicio físico de baixa intensidade para persoas con algún tipo de discapacidade, foron 33 asociacións. No programa, “Non te retires, volta a xogar”, baseado en ximnasia xerontolóxica, de mantemento e de baixa intensidade para persoas maiores, foron 58 asociacións. E no tocante ás actividades físicas predeportivas para nenos e nenas en idade escolar, englobadas en “Obradoiro deportivo”, foron 44 asociacións, en parte ANPAS de centros de ensino”.

O vicepresidente da Deputación entrou a explicar esta participación das asociacións por comarcas, ofrecendo os seguintes datos:

-Na comarca da Mariña participaron 39 asociacións das cales foron:

-Eu tamén xogo no Breo: 7 asociacións.

-Non te retires, volta a xogar: 17 asociacións.

-Obradoiro deportivo: 15 asociacións.

-Comarca de Lugo: 53 asociacións das cales:

-Eu tamén xogo no Breo: 17 asoc.

-Non te retires, volta a xogar: 21 asoc.

-Obradoiro deportivo: 15 asoc.

-Comarca do Sur: 24 asociacións das cales:

-Eu tamén xogo no Breo: 9 asoc.

-Non te retires, volta a xogar: 8 asoc.

-Obradoiro deportivo: 7 asoc.

-Comarca da Montaña 19 asociacións das cales:

-Eu tamén xogo no Breo (Non hai)

-Non te retires, volta a xogar: 12 asoc.

-Obradoiro deportivo: 7 asoc.

Por todo isto, Veiga afirmou que “vendo estas cifras comprendemos como se cumpriron os obxectivos que nos marcamos cando presentamos este proxecto, cun deles primordial que era achegar a práctica deportiva á poboación rural que carece deste tipo de oportunidades”.

Pola súa banda, Mario Outeiro felicitou aos monitores e monitoras polo seu traballo e afirmou que Mario Outeiro afirmou que “Todos a Xogar é un programa totalmente transversal, que implica desde o deporte ao benestar social, igualdade e xuventude, xa que pretende reactivar a actividade física nos segmentos de poboación que habitualmente non realizan deporte en concellos do rural nos que hai menos oportunidades, pero tamén levar a cabo este tipo de accións na poboación do no noso medio rural ten unha importante compoñente tamén cultural e de cohesión social, xa que permite ás persoas entrar en contacto, compartir experiencias e socializar, polo que tamén son moi importantes para evitar a inactividade e o despoboamento do rural”.