En defensa dun novo sistema de reparto de cotas pesqueiras
A Unión Europea -as institucións comunitarias e os estados membros- atópanse en pleno debate sobre a reforma da Política Pesqueira Común (PPC) ao obxecto de actualizala e mellorar todos os seus aspectos. A reforma só pode ter por finalidade contribuír á consolidación da pesca e do marisqueo, como sectores produtivos básicos -esencias para comunidades como Galicia- e supón unha oportunidade de volver a situar á Europa na vangarda do necesario proceso de cambio da normativa marítima internacional.
Cando se expuxo a idoneidade dunha modificación das actuais medidas comunitarias do sector pesqueiro, no denominado como Libre Verde, falábase da necesidade dun cambio radical da actual normativa comunitaria. Con todo, a proposta de reforma do actual regulamento, defendida hoxe desde a Comisión Europea, non parece avanzar de xeito suficiente neste obxectivo e queda moi lonxe de contemplar todos e cada un dos aspectos propostos desde Galicia.
Unha das modificacións máis urxentes é a de reformular o actual sistema de xestión dos caladoiros comunitarios, baseado na fixación de cotas de pesca mediante a aplicación do que se coñece como principio de estabilidade relativa. Este mecanismo supón que, un vez establecidos os totais admisibles máximos de capturas (TAC) por especie e zona, a asignación das posibilidades de pesca definitivas aos diferentes países da Unión realízase de forma automática, sen máis discusión política ou técnica e en virtude dunhas porcentaxes fixas.
Ao longo dos últimos anos os Estados membros e as flotas variaron e modificáronse, pero as cotas permaneceron constantes causando un manifesto desaxuste entre capacidade da flota e as posibilidades de pesca. Sen dúbida, a aplicación do mecanismo de estabilidade relativa converteuse en causa de ineficiencia económica, deu lugar a cotas sempre insuficientes -con independencia do estado dos caladoiros-, ao cese anticipado da actividade das flotas, e ao paro forzoso de mariñeiros e armadores.
Por iso, e co fin de poder adaptarse á realidade pesqueira que temos na actualidade, o Partido Popular defende o abandono da estabilidade relativa e a introdución na normativa comunitaria doutras fórmulas como poden ser os dereitos transferibles de pesca a nivel comunitario, que evitarían a deslocalización que sufriu a flota no pasado e facilitarían o intercambio de cotas entre países, así como tamén un sistema de repartición das posibilidades de pesca máis eficiente baseado no esforzo pesqueiro.
A reforma da Política Pesqueira Común afronta a recta decisiva. Desde o Partido Popular queremos sumarnos dun xeito construtivo ao debate aberto. No noso horizonte as palabras adiantadas pola propia Conselleira de Medio Rural e Mar, Rosa Quintana, nas que expresaba que o Goberno galego irá ata as últimas consecuencias para defender o que estamos seguro que é de xustiza e de dereito para a nosa flota.
Jose Manuel Balseiro Orol
Voceiro do Mar do Grupo Parlamentario Popular
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
