Nota de prensa
As rutas de Km0 desta semana dinamizan a actividade hostaleira das comarcas da Mariña e a Ribeira Sacra
– 250 veciños da provincia redescubrirán entre hoxe e o xoves os recursos naturais, culturais e socioeconómicos de Foz, Barreiros, Burela, Ribadeo, Monforte e O Courel
– A Deputada de Economía, Pilar García Porto, recibiu este martes a 48 usuarios do colectivo chantadino ASDEME, que fixo un percorrido polas praias focenses
As rutas do programa medioambiental Km0 da Deputación de Lugo organizadas para esta semana contribuirán a dinamizar a actividade hostaleira da Mariña e a Ribeira Sacra, unha actividade estratéxica en ambas comarcas. Deste xeito, os 250 veciños da provincia que participarán nos cinco itinerarios programados redescubrirán os recursos naturais, culturais e socioeconómicos de Foz, Barreiros, Burela, Ribadeo, Monforte e O Courel, e repoñerán forzas en restaurantes e casas de turismo rural destes concellos.
O programa desta semana comeza hoxe cun itinerario polas praias de Foz, que realizarán 48 usuarios da asociación de discapacitados psíquicos ASDEME de Chantada. A Deputada de Economía e Facenda, Pilar García Porto, recibiu no Salón de Actos do Pazo de San Marcos ó grupo, que visitou as instalacións do Centro de Artesanía e Deseño (CENTRAD) da Deputación para, xa no municipio focense, comer no restaurante O Lar, dar un paseo polos areais de Llas, A Rapadoira e Arealonga, e polo porto da vila, ademais de coñecer, en Barreiros, varios hórreos e a capela de San Bartolo.
A Mariña é mañá mércores de novo o destino das rutas de Km0: 55 integrantes da Asociación Sénior de Teléfonica de Lugo desprazaranse a Burela e 48 veciños de Quiroga achegaranse a Ribadeo. O grupo lucense iniciará o seu percorrido cunha visita á olería de Bonxe e continuará no Concello burelés cunha comida no restaurante Palacio de Cristal e paseos pola lonxa, o barco boniteiro e as instalacións das redeiras. En canto ó colectivo quirogués, achegarase ó CENTRAD para comer despois no restaurante ribadense A Dorada e visitar a praia das Catedrais e a dos Castros, as cetáreas de Rinlo e o aeródromo de Vilaframil.
O xoves rematará a programación da semana cun itinerario por Monforte, que farán 48 integrantes da Asociación de Mulleres Rurais A Xuntanza de Castro de Rei, e outro polo Courel, do que gozarán 48 socios do colectivo veciñal de Cinxe, en Ribadeo. As Mulleres Rurais de Castro achegaranse ó mazo de Santa Comba e, xa en Monforte, coñecerán o Pazo de Tor e o Museo do Ferrocarril. A comida será no Parador, no Mosteiro de San Vicente do Pino. Pola súa banda, os ribadenses estarán no Centro de Interpretación Terras do Miño, no Paseo do Rato lucense, para seguir coa ruta nos castros coureleses de Vilar e da Torre, e na aldea de Seceda. Comerán na casa de turismo rural Ferreiro.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
