Nota de prensa
Nota de prensa:
RAQUEL ARIAS ANUNCIA QUE CULTURA E EDUCACIÓN ACOMETERÁ A REFORMA DA ÁREA DE ACCESO AO PARQUE INFANTIL DO CEIP DO VICEDO
A delegada territorial visitou hoxe o centro vicedense e revisou as obras de mellora acometidas no mesmo polo actual Executivo galego, que leva investidos arredor de 70.000 euros para modernización das instalacións
O Vicedo, 6 de marzo de 2012.- A delegada territorial da Xunta en Lugo, raquel Arias, anunciou hoxe que a Consellería de Cultura, Educación e Ordenación Universitaria, a través da xefatura territorial da Delegación Territorial de Lugo, realizará nos próximos meses obras de reforma nas instalacións do Colexio de Educación Infantil e Primaria (CEIP) do Vicedo.
Arias, que visitou hoxe o centro acompañada polo alcalde da localidade, Jesús Novo Martínez, e polo responsable de Educación da Delegación Territorial, José Ramos Ledo, indicou que o departamento educativo acometerá nos próximos meses obras de reforma e mellora na zona exterior do parque infantil e na área de acceso ao mesmo.
Estas obras virán a sumarse aos traballos de reforma e modernización que o Executivo galego, a través do departamento de Cultura e Educación, realizou neste centro educativo vicedense dende o ano 2009. Arias concretou e indicou que “os traballos de mellora acometidos neste colexio supuxeron un investimento de preto 70.000 euros (68.081 euros)”.
Con esta partida económica, levaronse a cabo, en distintas fases, reparacións na cuberta das instalacións docentes que se viran afectadas por vendavais, melloras na zona do patio exterior, reforma da instalación eléctrica e proxectos de mellora e modernización da sala de profesores e da entrada ao recinto. Neste sentido compre subliñar a remodelación acometida nas dependencias da aula empregada para Pedagoxía Terapéutica, na que Educación impulsou unha mellora na que investiu preto de 21.000 euros.
A máxima representante do Executivo galego na provincia fixo fincapé “no esforzo do Executivo autonómico para mellorar as dotacións dos centros educativos da provincia de Lugo, actuando para solventar as súas deficiencias, como o demostra o importante compromiso económico que está a realizar. A delegada territorial asegurou que dende a Consellería de Cultura, Educación e Ordenación Universitaria se seguirá traballando para que “a oferta educativa pública na provincia sexa o máis completa posible, é para iso trabállase para dotar aos centros do equipamento necesario, optimizando os recursos públicos”.
As actuacións dispostas no CEIP do Vicedo, segundo expuxo Arias, “executaranse con cargo aos orzamentos do plan de Obras de Reforma, Ampliación e Mellora (RAM) do presente exercicio 2012 e, as tarefas de execución realizaranse nun período que facilite que as reformas poidan estar dispostas para o inicio do curso 2012-2013”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
