Nota de prensa:
A portavoz de Conservación da Natureza, Emma Álvarez, subliñou que “o señor Manuel Vázquez, actualmente secretario xeral do PSdeG e nese momento conselleiro de Medio Ambiente, nunca tivo intención de sacar adiante o plano de coloríns que presentaron en 2007”
O GRUPO POPULAR CRITICA “AS TRABAS E DEMAGOXIA” DA OPOSICIÓN RESPECTO Á AMPLIACIÓN DA REDE NATURA “PARA XUSTIFICAR O QUE NON FIXERON CANDO LLES TOCOU GOBERNAR”
Emma Álvarez afirmou que os socialistas practican “un dobre xogo: aquí, no Parlamento, cualifican a proposta de insuficiente e o Plan Director de permisible e nos concellos afectados opóñense á ampliación utilizando o populismo”
Santiago, 22 de marzo de 2012.- A portavoz de Conservación da Natureza do Grupo Popular, Emma Álvarez Chao, criticou hoxe “as trabas e a demagoxia” que está a utilizar a oposición respecto ao proxecto de ampliación da Rede Natura 2000 que tramita o actual Goberno galego co obxectivo de “intentar xustificar o que non fixeron cando lles tocou gobernar: non se atreveron a debater sobre unha proposta de Rede Natura e non souberon redactar un Plan Director para a súa discusión”.
Álvarez Chao acusou aos socialistas “de chegar tarde, porque terían que ser vostedes cando gobernaron os que presentaran a ampliación da Rede Natura 2000 e elevar a documento público o plano de colorines presentado polo daquela director xeral de Conservación da Natureza no Consello Galego de Medio Ambiente en outubro do ano 2007”.
ENGANAR AOS CIDADÁNS
“O señor Manuel Vázquez, actualmente secretario xeral dos socialistas galegos e nese momento conselleiro de Medio Ambiente, nunca tivo intención de sacar adiante esta hipotética proposta, dándolle as costas as insuficiencias detectadas en relación a un conxunto de especies e tipos de hábitats de interese comunitario recollidas na decisión da Comisión Europea en decembro de 2004”, sinalou.
A portavoz do Grupo Popular lamentou que os socialistas “traten de enganar aos cidadáns porque non é verdade que o anterior Goberno galego tivera preparado nada: iniciárase unha proposta que non ten tramitación algunha porque non se afondou nela, nin nunca se materializou un proxecto a discutir na participación pública”.
Neste sentido, criticou que a proposta do anterior Goberno “realizárase en base a porcentaxes, cando as directivas europeas non esixen un porcentaxe mínimo de ampliación da Rede Natura 2000, senón que é obrigatorio facelo baixo uns criterios técnicos, baseados nas insuficiencias detectadas pola Comisión Europea e redactadas nas decisións dos anos 2004 e 2006 ou na mellora da representatividade en base á Directiva Hábitat”.
“Por este motivo, a proposta do actual Goberno galego é susceptible de ser aprobada pola Unión Europea e é máis real e axustada ás deficiencias detectadas na nosa comunidade autónoma”, indicou.
Así mesmo, Emma Álvarez afirmou que os socialistas practican “un dobre xogo: aquí, no Parlamento, cualifican a proposta de insuficiente e o Plan Director de permisible e nos concellos afectados opóñense á ampliación utilizando a demagoxia e o populismo para terxiversar a información e alporizar aos propietarios dos predios afectados en contra da proposta feita polo Goberno galego”.
PARTICIPACIÓN CIDADÁ
Respecto ás demandas formuladas pola deputada socialista, Carmen Gallego, a portavoz do Grupo Popular salientou que a cartografía na que se presenta a Rede Natura 2000 “ten un gran estado de detalle e na propia páxina web da Consellería existe un visor rápido e sinxelo para consultar a proposta de ampliación a nivel de parcela do catastro nacional”.
Álvarez Chao recordou que a proposta tivo un proceso de participación pública de 60 días, durante o que os interesados puideron presentar as aportacións que consideraron oportunas, “polo que estamos a falar dun documento que tivo un alto grao de transparencia e participación, que ademais terá o proceso de información pública antes de ser aprobado”. “De aí que non sexa oportuno empezar un novo período de consulta e os axustes e correccións que se fagan serán consecuencia das aportacións antes mencionadas despois de ser estudadas polo equipo técnico redactor da proposta”, anotou.
Respecto ás limitacións de usos autorizables en solos rústicos de protección de espazos naturais, Emma Álvarez concretou que non toda a superficie clasificada como de protección de espazos naturais ten un mesmo valor de conservación e, polo tanto, as zonas 2 e 3 establecidas no Plan Director pasarían a ter estes usos permitidos ou autorizables para todos os concellos, independentemente da porcentaxe de superficie destes municipios que se atopa en Rede Natura. “Esta medida equipara os usos permitidos na zona de conservación e na zona de uso xeral cos usos permitidos nos solos rurais de protección ordinaria, nunhas zonas que representan arredor do 90 por cento da Rede Natura galega”, afirmou.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
