Nota de prensa:
A Bandeira Verde con máis categoría que concede a Federación de Usuarios e Consumidores Independentes (FUCI) foi conseguida en Burela no ano 2010, sendo a concelleira de medio ambiente Lucía Bouza. A federación valorou con cinco estrelas a xestión realizada ese ano e o anterior no Concello de Burela. Como curiosidade sinalar que en Galicia fomos únicos en acadar ese galardón.
A actual concelleira de medio ambiente, Patricia López, confía en repetir o mesmo nivel este ano (faise cada dous anos) e nosoutros tamén o desexamos.
Pero é curioso que se amose tanto interés en conservar esta bandeira e ao mesmo tempo renuncian a outras que representan unha prestixiosa certificación ambiental como é a certificación ISO 14001e que se concede según a normativa europea EMAS.
O Concello de Burela implantou para as súas praias (Marosa, Ril e Portelo) esta certificación na anterior lexislatura, sendo alcalde Alfredo Llano, por que se considerou que beneficiaba ao conxunto dos veciños e sobre todo, ás posibilidades de desenvolvemento turístico, xa que esta certificación garante dunha maneira continua a calidade das augas, areais, xestión de residuos, limpeza e servizos.
Por outra banda, Burela sae beneficiada en imaxe, dada a promoción que leva consigo, xa que as praias con este distintivo figuran nun rexistro oficial da Administración Autonómica ao que teñen acceso a cidadanía en xeral e os operadores turísticos. Así mesmo, abre portas á participación en feiras e salóns turísticos, e permítelles aos municipios distinguidos diferenciarse da competencia neste tipo de certames, mellorando o seu posicionamento ante a sociedade. Por último, leva consigo un beneficio económico, pois coa optimización da recollida de residuos, as entidades locais acaban reducindo custes e tamén o risco de recibir sancións por irregularidades medio ambientais.
A implantación da ISO 14001 foi impulsada pola Deputación Provincial asumindo esta entidade todos os custes derivados e, polo tanto, sen gastos para o Concello de Burela.
Para o ano 2012 a Deputación volve a asumir os custes das auditorías necesarias para renovar a Certificación, que debe facerse cada ano, para que as nosas praias sexan un referente de calidade para todo o pais. Burela a gran beneficiada.
Que o actual equipo de goberno, capitaneado polo Sr. Barcia, renuncie a esta certificación, desprezando todo o esforzo acadado na anterior lexislatura, só indica unha irresponsabilidade moi grande que se vai a traducir en prexuízos para o sector turístico e para todos os veciños en xeral. Sendo a renovación gratuíta para o Concello, a decisión do Sr. Barcia indica que lle da mais importancia a negar iniciativas de outros (Deputación e anterior equipo de goberno) que a atender aos intereses dos veciños.
Bandeiras verdes si, pero sen perder nada de canto tíñamos. É de lei renovar a ISO 14001. Fágano.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
