O GRUPO POPULAR DE RIBADEO CONSIDERA “INAUDITO” QUE O BNG ESTÉ ORGULLOSO DA SÚA DEBEDA A PROVEEDORES DE 1.780.000
Nestes días coñecemos o que o Concello de Ribadeo adebeda a algúns proveedores (concretamente aos 297 que cumprían as condicións do Real Decreto-Ley que requería informar sobre as débedas) 1.953 facturas que ascenden a un total de 1.780.620,78 Euros.
A información que o BNG proporcionou á cidadanía limitouse a informar do montante total e de loubar a súa xestión da débeda. Deuse conta ó pleno por obrigación do propio Real Decreto-Ley sen permitirse debate algún e a concelleira do Partido Popular incluso tivo que escoitar de boca do Concelleiro de Economía e Facenda con bastante malas formas que era moi “pesada”, que era horrible debater con ela e “que sempre estaba co mesmo”. Deixando a un lado a absoluta falta de respecto do concelleiro para quen simplemente tenta facer a súa función de control ó goberno, o Grupo Popular quere facer públicos algúns detalles arrincados da relación de facturas que consideramos que din bastante pouco da “boa xestión” da que presume o goberno.
É preciso aclarar que en absoluto constitúe este importe a débeda total do concello posto que non se inclúen nesta relación as que teñen data posterior ó 31 de decembro, as débedas por concesións, as débedas con administracións públicas o outros entes públicos, as débedas financeiras, as indemnizacións dos xuízos que seguen a perder ou as que se pagaron antes do 30 de marzo, por exemplo.
Como primeiro aspecto resulta destacable (por máis que lle “escoza” ao Concelleiro) que se sacaron 60 facturas por importe de 113.000 “do caixón” porque así o esixía o decreto. Estas facturas aparecen na relación como “contabilizadas y no aplicadas” polo que non estaban recoñecidas.
Tamén se desprende da relación que se adebedan máis de 24.000 euros a medios de comunicación, máis de 87.000 a unha empresa de limpeza do ano 2.009, a unha pequena ferretería da vila case 29.000 euros e máis de 256.000 euros á empresa subministradora da electricidade, por poñer tan só algúns exemplos. Tamén resulta salientable que se lle adebede a unha empresa de montaxe de carpas máis de 11.000 euros desde o 2.008 (si non se poden poñer carpas que organicen doutro xeito as actividades pero si se poñen que as paguen) ou a unha empresa de luces decorativas case 19.000 euros do 2.010 (ó mellor isto dálle un significado a aquilo de que espírito do Nadal vai no corazón e non nas luces)
Chama tamén á atención a importantísima débeda a dúas entidades financeiras que corresponden con facturas endosadas a proveedores co que estes conseguen unha liña de desconto que lles aporta a liquidez que precisan e da que os retrasos dos pagos municipais lles privan. Estes endosos suman un importe de máis de 418.000 euros, sendo os máis antigos de ano 2.003. Esta situación amosa claramente o custe que para os autónomos e pequenos empresarios ten a falla de compromiso cos pagos do goberno do BNG e que se concreta nos intereses que se ven abocados a pagar ós bancos.
Por último, e con un escrupuloso respecto a tódalas empresas, resulta moi significativo para valorar esa xestión da que se louba o BNG comprobar que hai proveedores ós que se lles adebedan facturas de todo o ano 2.011 ou facturas de anos anteriores e outras que cobran puntualmente ou teñen pendente tan só o mes de decembro.
O Grupo municipal do Partido Popular non comparte, pois, a valoración positiva que o BNG realiza da súa xestión dos pagos a proveedores e quere recordarlle ó equipo de goberno que por máis “pesado” que lles resulte van a continuar dando conta pública ós veciños da súa xestión e que, a partir de agora, o contador das débedas a proveedores poñerase a “0” polo que esperamos que aproveiten a ocasión para comezar a atender os pagos nun prazo razoable.
Remitido
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
