Nota de prensa
O XERENTE DE IGAPE NOVA E O RESPONSABLE DE MAMUT TECNOLOGY INTERVIRÁN NA XORNADA SOBRE EMPRENDEMENTO QUE SE CELEBRARÁ O LUNS EN FOZ
A inscrición nesta actividade que se desenvolverá na tarde do día 26 no Cenima da localidade focense pode formalizase de xeito gratuíto ata mañá venres a través de AJE Lugo ou da Delegación Territorial de Lugo
Lugo, 22 de marzo de 2012.- O xerente de Igape Nova, Guillermo Viña, será un dos poñentes da xornada sobre emprendemento empresarial e as medidas de estímulo económico que recolle o programa Impulsa Lugo que se desenvolverá o próximo luns día 26 (19.00 horas) nas instalacións do Cenima, no municipio de Foz.
Viña, xunto con representantes do Centro Europeo de Empresas e Innovación (BIC Galicia), abordará, entre outros temas, as medidas e actuacións en marcha para fomentar a creación e a consolidación de empresas.
Viña, que se encarga na actualidade da área de Competitividade de Igape Nova, dende a que se levan a cabo actuacións para fomentar o espírito emprendedor na nosa comunidade, é especialista no ámbito económico e en actuación financieiras.
Así mesmo, na xornada tamén intervirá como poñente Nilo Abad, copropietario da empresa Mamut Tecnology. Dende esta entidade, creada no ano 2010, Abad desenvolve produtos innovadores de gran valor engadido que cubran necesidades do mercado da maquinaria agrícola e forestal. Pola labor levada a cabo nos apenas dous anos de existencia, Mamut Tecnology obtivo a cualificación IEBT (como empresa de base tecnolóxica), así como varias distincións promovidas por asociacións de empresarios e entidades financieiras.
Mamut Tecnology, que pon a disposición dos seus clientes o seu departamento de enxeñaría e I+D+I para desenvolver produtos que non existen no mercado e posteriormente fabricalos para a súa comercialización, leva xa as súas ventas a Italia, ademais de a todo o territorio español.
Esta xornada sobre emprendemento e promoción empresarial ao abeiro do Impulsa Lugo, organizada pola Delegación Territorial da Xunta en Lugo e pola Asociación de Jóvenes Empresarios de Lugo (AJE Lugo), está orientada á participación de emprendedores e especialistas relacionados co ámbito do fomento empresarial.
Os interesados en asistir á xornada poden formalizar a súa inscrición ata mañá venres día 23, a través de AJE Lugo, no número de teléfono 982.224.699 ou no correo electrónico info@ajelugo.es, ou na Delegación Territorial da Xunta en Lugo, a través dos números de teléfono 982.289.079, 982.294.296 e 982.294.066.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
