A Deputación impulsa a ruta automobilística Eo-Terras de Burón, que rexurde tras 12 anos para potenciar o turismo medioambiental
– A Deputada de Medio Ambiente, o Alcalde fonsagradino e o presidente do Club Rutas de Galicia, José Manuel Vega, presentaron o encontro, que terá lugar este domingo e luns
– Unhas 160 persoas gozarán do itinerario, que discorrerá ó longo de 190 quilómetros por Baleira, A Fonsagrada, Ribeira de Piquín, A Pontenova, Trabada, Ribadeo e Riotorto
– Sonsoles López anunciou que un equipo de alumnos e profesionais da Fundación TIC gravará e editará un CD sobre a ruta, que se distribuirá entre medios de comunicación de toda España para contribuír á súa difusión e continuidade no tempo
A Deputada de Medio Ambiente e Enerxías Renovables, Sonsoles López Izquierdo, o Alcalde da Fonsagrada, Argelio Fernández, e o presidente do colectivo organizador, o Club Rutas de Galicia, José Manuel Vega, presentaron este venres na Sala de Xuntas do INLUDES a XI Ruta do Eo-Terras de Burón, un evento que volve a celebrarse tras 12 anos de parón con aires totalmente renovados, pois pasa de ter un carácter principalmente deportivo a ampliar os seus obxectivos cara a promoción do turismo medioambiental na provincia. De feito, os participantes poderán realizar o itinerario en calquera tipo de automóbil: 4×4, todo terreo, turismo ou moto trail. O encontro automobilístico terá lugar este domingo e luns, coincidindo coa ponte do Primeiro de maio para favorecer a participación.
Segundo anunciou López Izquierdo na rolda de prensa, a Deputación de Lugo colaborará co Club Rutas de Galicia coa gravación e edición dun CD sobre o certame, que se distribuirá entre medios de comunicación de toda España para incrementar a súa difusión e facilitar a continuidade no tempo da actividade. Das tarefas de elaboración do traballo audiovisual ocuparase un equipo de alumnos e profesionais da Fundación TIC, dependente do organismo provincial.
A organización espera que tomen parte na ruta turística uns 80 vehículos, o que supoñerá unhas 160 de persoas, entre condutores e acompañantes. Os inscritos son da provincia de Lugo, pero tamén do resto de Galicia e incluso de fóra da comunidade autónoma, pois está prevista a participación de persoas chegadas de Madrid. O itinerario ten 190 quilómetros de lonxitude, que se dividirán en dúas etapas –unha o domingo e outra o luns- e discorrerá polos municipios de Baleira, A Fonsagrada, Ribeira de Piquín, A Pontenova, Trabada, Ribadeo e Riotorto.
A Deputada de Medio Ambiente destacou que o organismo provincial “ten que estar sempre do lado de iniciativas coma esta, pois coincide cun dos obxectivos fundamentais da Deputación: aproveitar os extraordinarios recursos medioambientais da provincia, sobre todo as nosas Reservas da Biosfera, para convertelos na verdadeira oportunidade económica de Lugo, xeradora de riqueza e emprego”. Sonsoles López engadiu que o Goberno provincial “está envorcado neste propósito dende o ano 2007, e especialmente neste 2012, cando conmemoramos o 10º aniversario da declaración de Terras do Miño como Reserva da Biosfera pola UNESCO”. “Esta mesma semana presentamos a terceira gala Lvcvs Moda, precisamente dedicada a Terras do Miño; convocamos o I Concurso de Novos Deseñadores lucenses; organizamos un programa de rutas didácticas para escolares, que arrancará o 5 de maio; exposicións, un concurso de fotografía, conferencias… Todas, accións encamiñadas a potenciar o desenvolvemento das Reservas da Biosfera, pois é un valor que non estamos dispostos a desaproveitar”, subliñou.
O encontro que organiza o Club Rutas de Galicia, indicou a Deputada, “vai pola mesma senda, potenciando a Reserva do Río Eo, Oscos e Terras de Burón, un espazo do que a Deputación non é a máxima responsable, pero que non por iso deixamos de lado. De feito, este territorio estivo incluído nas actuacións de desenvolvemento que levamos a cabo a través da primeira fase do programa Lug02, dotado en conxunto con 5 millóns de euros”.
Respectuoso co entorno
Pola súa banda, o Alcalde da Fonsagrada, ó igual co presidente do Club Rutas de Galicia, recalcou que se trata dun itinerario que respecta o medio ambiente, pois na súa maioría discorre por asfalto, e está dirixido a todo tipo de persoas, dende os afeccionados a este tipo de rutas automobilísticas, como a un público familiar. Non ten un carácter competitivo, engadiu Argelio Fernández, “senón que se trata de pasar unha fin de semana agradable coas amigos ou coa familia, gozando en vivo e en directo das nosas paisaxes, cultura e gastronomía, pero tamén do contacto coas nosas xentes, que son un dos activos máis importantes da nosa terra”. O rexedor fonsagradino indicou así mesmo que toda esta riqueza “quedará na retina dos participantes, que seguro farán de bos embaixadores da provincia”.
Neste mesmo senso, o presidente do Club Rutas de Galicia incidiu en que a ruta reverterá na actividade económica da zona pola que discorrerá o itinerario, “pois os participantes poderán comer en calquera restaurante da zona, facer paradas en establecementos ou mesmo respostar gasolina”. José Manuel Vega avanzou así mesmo que esta actividade é o punto de partida dunha ampla programación que levará a cabo a agrupación que preside, como rutas de sendeirismo ou en bicicleta de montaña.
Posta de largo de Rutas de Galicia
A ruta automobilística organizada para esta ponte de maio pola comarca do Eo e Terras de Burón supón a posta de largo do Club Rutas de Galicia, unha asociación sen ánimo de lucro que foi constituída hai un ano e medio retomando a actividade do colectivo Rutas del Eo, organizador nos 90 das dez edicións celebradas da Ruta do Eo-Terras de Burón. O novo colectivo, fundando por 5 socios veciños da provincia lucense, abre os seus obxectivos do ámbito deportivo orixinal ó turístico, e incorpora o uso das novas tecnoloxías nas rutas. Deste xeito, no seu portal web www.rutasdegalicia.es os usuarios poden visualizar e descargar os percorridos que ten preparados a agrupación e realizalos usando dispositivos de navegación. A agrupación está adherida a wikiloc.com o sitio web de referencia na Rede para descubrir e compartir rutas ó aire libre.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
