O PP de Mondoñedo continuará a traballar para mellorar a situación da cidade, pese a que esta actitude dos populares moleste ao bipartito
• A situación xerada en torno ao comunicado enviado polo PP demostra as ganas de polémica do bipartito e a pouca implicación dos nacionalistas e socialistas en proxectos reactivadores da cidade
• O PP local asegura que Mondoñedo non merece estas actitudes, xa que os veciños necesitan que se incentive o emprego e non as disputas absurdas e sen beneficio dos gobernantes
• O PP pídelle ao bipartito que asuma a responsabilidade de gobernar xa que dende que Orlando González tomou a alcaldía Mondoñedo estase a converter nunha cidade máis cara e incómoda para vivir e traballar
Mondoñedo, 14 abril de 2012.- O Grupo Municipal do Partido Popular de Mondoñedo manifesta unha vez máis a súa pretensión de traballar a reo para que a mesa de seguimento creada principalmente para o fomento do emprego na cidade, e formada por iniciativa do grupo popular, alcance resultados positivos.
O PP asegura que o obxectivo é que se leven a cabo os compromisos asumidos cos veciños e se materialice así a folla de ruta consensuada onte na segunda reunión da comisión de seguimento.
Para os populares a polémica xerada polo bipartito en relación ao comunicado creado polo PP demostra unha vez máis a pouca implicación de Orlando González Cruz e o seu equipo de goberno para con Mondoñedo. Segundo os populares esta situación evidencia as gañas de polémica amosadas polo bipartito e o pouco traballo demostrado para que un proxecto de gran calado para Mondoñedo alcance resultados positivos.
A crítica situación que vive a comarca en Mondoñedo, sobre todo dende o peche da filial de Finsa no mes de marzo, merece dun traballo serio e estrito por parte dos grupos políticos. Os populares recordan que contestacións como as verquidas polo bipartito carecen desta implicación con Mondoñedo, xa que só demostran a falta de proxecto do equipo encabezado por Orlando González, así como a inexistencia de propostas tanto dos nacionalistas como dos socialistas.
O PP local considera incomprensible que un equipo de goberno centre o seu traballo en enviarlle criticas á oposición por remitir un comunicado previo a reunión aos medios. Cos seus deberes feitos, o PP remitiu un primeiro comunicado no que anunciaba as liñas de traballo propostas polos populares e que se debaterían na mesa e xa trala reunión da mesa, en nome e por acordo da comisión de seguimento, o Partido Popular enviou un segundo comunicado informando dos acordos tomados na mesa. Polo que ante este proceso, o grupo local só cumpriu co seu cometido de informar. Ante isto, os populares pídenlle ao bipartito que promova e apoie iniciativas que incentiven a localidade, en vez de buscar polémica.
O PP local explica que o único obxectivo do PP é o de contribuír a mellorar a cidade e cumprir dende a oposición o programa electoral, polo que lle pide ao bipartito que asuma a súa responsabilidade e se centre en gobernar. Así mesmo, os populares aseguran que o feito de que o equipo de goberno fale de pouca colaboración do Partido Popular e de que se enterara pola prensa do resultado dunha reunión na que acababan de participar, ademais de ser “esperpéntico, é unha provocación e un insulto ao noso partido e aos nosos concelleiros, xa que de xeito reiteirado somos anulados cando buscamos consenso e ofrecemos o noso traballo, sendo múltiples as actitudes irresponsables co noso grupo no día a día do goberno local”.
Polo tanto, o PP local pídelle ao goberno que asuma a súa responsabilidade e goberne para corrixir os problemas dos veciños dunha localidade que dende que Orlando González asumiu a alcaldía estase a converter en máis cara e incómoda para vivir e traballar.
Propostas aprobadas pola mesa de seguimento
Na segunda reunión da comisión de seguimento celebrada onte aprobouse unha folla de ruta a seguir para lograr a reactivación local e comarcal. Na primeira das tres liñas de actuación recóllese que o futuro da comarca pode enmarcase nunha fonte de recursos, que non deixa de ser o desenvolvemento sostible da xestión forestal, concretamente das actividades da biomasa. O vindeiro sábado 5 de maio celebrarase a primeira reunión técnica, cunha visión práctica moi importante. Nesta liña, está a alternativa de celebrarse unha mesa de traballo onde empresas que teñen posto en marcha iniciativas similares, sensibilizarán a tódolos sectores que poderían estar implicados.
A segunda liña de actuación céntrase na explotación e dinamización do sector turístico para xerar emprego. Na primeira quincena de xuño, concurrindo representantes das administracións e empresarios que viven e xeran emprego neste sector, actuarán e sensibilizarán a poboación mindoniense das posibilidades de negocio que deseña este sector.
En terceiro lugar, e tendo en conta a tipoloxía de emprendedores da comarca, pechará a folla de ruta, unha xornada técnica, dirixida fundamentalmente a emprendedores autónomos e aos encadrados nas PEMES, onde todas elas buscan xerar emprego, autorizados por cargos da administración que teñan coñecemento e capacidade para poder titorizar este tipo de proxectos.
Na xuntanza, a comisión tamén barallou a posibilidade de solicitar un obradoiro de emprego, iniciativa proposta en pleno polo goberno local e que fora aprobada por unanimidade; así tamén estudaron a necesidade de buscar posibles fontes de financiamento de proxectos da terceira idade.
Por último, na reunión de onte tamén se acordou solicitar unha reunión coa empresa Ence. A petición, en nome da mesa, foi trasladada o mesmo día a membros da empresa.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
