O Xoula-Ribadeo dobrega o líder, Concello de Friol (2-1)
No descanso do Panificadora del Eo, en Autonómica, as boas noticias seguen chegando ao Ribadeo FS. O Concello de Friol, líder indiscutible e campión dos tres últimos campionatos de Provincial Feminina, sufriu a súa primeira derrota da tempada na Mariña ao caer derrotado, o pasado venres, ante o Xoula (2-1). A pesar de non poder contar co persoal ao completo, o equipo de Martínez callou un excelente encontro ante, sen dúbida, o mellor equipo da categoría, que moi ben podería ser un dos equipos destacados de Autonómica.
A primeira metade foi de total dominio das locais, que contaron con numerosas opcións de marchar ao descanso cunha vantaxe de dos ou tres goles máis, obstaculizados polas boas intervencións da porteira visitante, Tatiana, e pola mala sorte das ribadenses, que estrelaron dous balóns nos paus. O Xoula adiantouse no marcador por mediación de Elvira ao aproveitar un rexeitamento ao seu propio tiro de Tatiana. Aínda que as ribadenses dominaban o encontro, o Concello de Friol puxo táboas no marcador antes de marchar ao descanso, tras o lanzamento dunha falta próxima á área local, que Covi conseguiu transformar despois de que o balón fose desviado pola barreira fóra do alcance de Antía.
A segunda metade plasmou a dinámica dos momentos iniciais, cun equipo ribadense con ganas de vitoria que asfixiaba a portería visitante. Unha marabillosa xogada tras unha excelente triangulación, Ana, Eva, Elvira, finalizou co balón nas mallas da portería de Friol impulsado por esta última. Era o 2-1 e o segundo da súa conta particular, que resultou inamovible ao final do encontro.
Este resultado reduce distancias entre o inalcanzable líder Friol e o Xoula, segundo clasificado agora a 6 puntos a falta dun encontro para finalizar a competición. O Friol debe visitar a cancha do quinto clasificado Quiroga, mentres que o Xoula recibirá a visita do último, Becerreá.
Autonómica. O Panificadora del Eo recibirá a visita do pechacancelas, Mesón Río Ulla de Vedra, o vindeiro sábado, día 15.
Ficha técnica
Xoula-Ribadeo FS: Antía, Ana, Eva, Elvira (2) e Sabela, cinco inicial; tamén xogaron Tania Penabad e Yoli.
Concello de Friol FS: Tatiana, Claudia, Covi (1), Mabel e Alicia.
Árbitros: Fernando Bello Gómez e Marisa Blanco Lamas, da delegación de Lugo. Mostraron cartón amarelo a Covi, do Friol.
Remitido
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
