O Concello de Burela baldea as rúas antes da celebración das festas patronais para que a vila luza o máis bonita posible

O Concello de Burela procede estes días ao baldeado das rúas da vila.

A concelleira de Medio Ambiente, Patricia López Eijo, explica que “varias veces ao ano facemos esta completa limpeza das rúas de Burela. Nesta ocasión o baldeado realizámolo antes da celebración das festas patronais para que a vila luza o máis bonita posible de cara a esa cita, que atrae a Burela a milleiros de persoas”. O equipo de goberno pide disculpas polas molestias que estes días se poidan ocasionar aos veciños con estes traballos.

A Delegación de Medio Ambiente tamén levou adiante nos últimos días a limpeza dos contedores de recollida do lixo. A limpeza dos contedores verdes fíxose por dentro e por fora cunha máquina lavacontedores. López Eijo sinalou que “o servizo de limpeza comonicoume onte que algúns contenedores houbo que metelos varias veces na máquina debido a que tiñan restos orgánicos moi incrustados, o que complicou a súa limpeza. Por iso me gustaría recondarlle aos veciños de Burela, que por favor, tiren o lixo en bolsas debidamente pechadas”.