Ameijide: “PSOE e BNG non fixeron nada e, incluso dicindo que se trataban de feitos reprobables e gravísimos, negociaron a formación dun goberno na Deputación co apoio imprescindible de Tomé, a quen os concelleiros socialistas manteñen na alcaldía de Monforte”
Lugo, 24 de marzo de 2026. O PP esixe a PSOE e BNG “romper de verdade co acoso” e afastar das institucións aos políticos vencellados con delitos contra as mulleres e o seu encubrimento.
O portavoz, Antonio Ameijide, condena que “o PSOE e o BNG non adoptaron ningunha medida “real” para devolver a normalidade ética á institución provincial tras saír á luz as denuncias públicas contra José Tomé por presunto acoso sexual nin tampouco dende que foi presentada denuncia formal ante a xustiza e comunicada a presentación dunha querela por parte da Fiscalía. Unha situación que afecta á imaxe da Deputación de Lugo; pero que a PSOE e BNG pouco lles importa. O único que lles importa é manter os seus cargos”. De feito, “poñen os seus sillóns diante da defensa dos dereitos das mulleres”, indica.
Os populares instarán no vindeiro Pleno ao goberno provincial de PSOE e BNG amosar a solidariedade e apoio ás mulleres, rexeitar condutas de acoso por parte de cargos públicos e afastalos das institucións públicas porque “cremos que é o lóxico e moralmente adecuado”.
Ameijide apunta que “despois da testemuña que coñecemos polos medios de comunicación, logo de ver como a deputada provincial Pilar García Porto ou a número dous do PSdeG se reuniron coa nai da vítima en varias ocasións sen facer nada, tras saber que o PSOE tentou dar largas e gañar tempo ofrecendo un asesoramento legal e psicolóxico á vítima que nunca chegou e agora que a Fiscalía ve indicios claros de delito e actúa; xa non quedan escusas: o PSOE debe sacar da alcaldía a Tomé, a presidenta da Deputación debe apartar ao deputado non adscrito e tamén á deputada que o encubriu durante meses e o BNG debe ser coherente e facer algo máis que cobrar os seus soldos e viaxar en coche oficial”.
Sen cuestionar a presunción de inocencia nin o dereito á lexítima defensa, dende o Partido Popular “cremos que os dirixentes do PSdeG e do goberno provincial de PSOE e BNG deben, cando menos, condenar publicamente os feitos denunciados, adoptar responsabilidades políticas que demostren a súa implicación real co feminismo e aplicar medidas para afastar a persoas acusadas de delitos contras as mulleres das institucións públicas e de quen encubre estes feitos”.
Ameijide lembra que “non houbo explicacións nin dimisións por parte dos dirixentes do PSOE provincial e do PSdeG que eran coñecedores, como recoñeceron publicamente e por escrito, de cando menos un caso denunciado pola nai dunha presunta vítima”. É máis, “só puxeron escusas despois de estar encubrindo o caso e dándolle as costas á vítima. Non fixeron nada. Incluso dicían condenar este tipo de feitos reprobables e gravísimos contra as mulleres, pero tanto PSOE como BNG, negociaron a formación dun goberno na Deputación co apoio imprescindible de Tomé”, conclúe.
Os Bombeiros de Vilalba excarceraron ao condutor ferido que quedou atrapado no interior do vehículo. O 112 Galicia tivo constancia do accidente ás 16:20 horas desta tarde. Un particular informaba a esa hora dun coche envorcado na LU-P 6501, quilómetro 40 en Rioaveso, ao seu paso por Cospeito (Lugo). Indicaba que no interior do vehículo había unha persoa ferida, consciente pero que non podía saír. Con estes datos, os xestores do 112 pasaron aviso ao Servizo de Urxencias Sanitarias de Galicia-061, aos Bombeiros de Vilalba, á Garda Civil de Tráfico e ao persoal de mantemento da vía.Unha vez no punto, os Bombeiros confirmaron a excarceración do ferido para posteriormente ser trasladado polo persoal do Servizo de Urxencias Sanitarias de Galicia-061.
Trátasde dun grupo coñecido pola súa posta en escena humorística e teatral, que combina música tradicional con estética de taberna e espírito festivo. O evento celebrarase o 22 de maio ás 23:00 horas na Rúa do Cobo nº 18, cun prezo de entrada de 5 euros. As persoas asistentes están convidadas a traer instrumentos para sumarse á foliada. A actividade conta con presenza en Facebook, Instagram e TikTok, onde se pode seguir a programación e novidades do espazo.
Será o sábado 23 de maio, nas Letras no Campo, Feira do libro ribadense, nun acto no que estará acompañado de Suso Fernández Acevedo.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.