Trabada, 24 de marzo de 2026. O Concello de Trabada vén de solicitar unha nova subvención á Consellería de Medio Ambiente e Cambio Climático da Xunta de Galicia destinada á realización de actuacións en espazos incluídos na Rede Natura 2000.
Neste caso, a actuación céntrase na parroquia da Ría de Abres, única zona do municipio integrada nesta rede de espazos protexidos, onde se proxecta a continuación da mellora da área recreativa de A Choza, cun investimento próximo aos 20.000 euros.
Este espazo, que conta con zonas de descanso e puntos para o avistamento de aves, xa foi obxecto de actuacións no pasado ano, coa substitución de mesas e papeleiras por elementos elaborados con materiais reciclados.
O novo proxecto presentado contempla a renovación da barandilla, tamén con materiais reciclados, así como a mellora dos murais informativos, que serán substituídos por novos elementos de madeira, contribuíndo así a unha maior integración co entorno natural.
O alcalde de Trabada, Rubén García, destacou que “seguimos solicitando todas as axudas ás que podemos optar, especialmente aquelas que nos permiten actuar en espazos naturais de gran valor como os incluídos na Rede Natura 2000, co obxectivo de seguir mellorando os nosos recursos e poñelos en valor”.
Desde o Concello subliñan que esta actuación permitirá continuar mellorando un espazo de referencia na parroquia da Ría de Abres, combinando a conservación do medio natural co uso público e o desfrute responsable da veciñanza e das persoas visitantes.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
