O Concello de Burela pagará por débedas a provedores 231 mil euros anuais ata 2022
BURELA SOLICITARÁ A VINDEIRA SEMANA AUTORIZACIÓN PARA FORMALIZAR O PRÉSTAMO CO QUE EFECTUARÁ O PAGO A PROVEDORES. CANDO COMECE A AMORTIZAR CAPITAL O CONCELLO PAGARÁ 231.000 EUROS ANUAIS ATA O 2022. O REXEDOR CULPA DESTA SITUACIÓN AO BIPARTITO AO QUE ACUSA DE DESPILFARRAR MOITO DURANTE A SÚA ETAPA NO CONCELLO.
Burela, 3 de maio de 2012. O equipo de goberno burelés tén xa deseñada a folla de ruta para a finalización do procedemento do pago a provedores de facturas rexistradas no Concello con anterioridade ao 31 de decembro pasado. Así o manifestou o alcalde, José María González Barcia, que compareceu hoxe en rolda de prensa acompañado de boa parte do seu grupo municipal.
Segundo o rexedor burelés, “a relación de facturas presentada no seu día ante o ministerio de Hacienda, antes do quince de marzo, ascende a un total de 1.323.000 euros. Posteriormente, presentouse o plan de axuste, antes do trinta e un de marzo. Pois ben, tendo en conta que hasta o día oito do presente mes pode haber variacións na relación de facturas, que en todo caso serán prácticamente insignificantes, e tendo en conta que o día quince remata o prazo para solicitar autorización para a formalización do préstamo para abonar esas facturas, celebrarase un pleno extraordinario, seguramente que o día once, para adoptar tal acordo”.
Para González Barcia, “esta solución serve para abonar todas as facturas rexistradas no Concello antes do día 31 de decembro e 2011. Deste xeito, os provedores cobrarán o que se lles debe e poderán manter emprego. Pero esta solución traerá consecuencias: en primeiro lugar, este préstamo hai que devolvelo, coma todos, e temos de prazo hasta o ano 2022; en segundo lugar, este mesmo ano xa temos que abonar 33.000 euros, e cando se comece realmente a amortizar capital teremos que abonar do orden de corenta millóns das antigas pesetas anuais, 231.000 euros, hasta o 2022. Polo tanto, é fácil deducir que os cartos teñen que saír de algún lado”.
O alcalde indicou que “no ano 2010 recadáronse 1.144.000 euros menos do que se presupostou, pero gastouse (e eso que se incluía o célebre Plan E); en 2011, recadáronse 788.000 euros menos do que se presupostou (os 800.000 euros que nós dixemos que tiñan de máis os presupostos que nunca se ingresaron, a pesares de contar con un millón de euros do plan extraordinario da Deputación), pero que se gastaron. Aí está a raíz do problema, que se gastou o que non se tiña, e ninguén, na súa casa, gasta máis do que ten”.
José Mª González Barcia engadiu que “por ese desastre económico que ten como responsables aos membros do bipartito, especialmente ao anterior alcalde e á anterior tenente de alcalde, agora temos que apretarnos o cinto. Quero lembrar que dentro da relación de facturas só cen mil euros, facturas de Espina y Delfín, son da época anterior de goberno do PP. Prácticamente todo o demais, máis de un millón de euros, é herdanza do bipartito”.
O alcalde dixo que “este ano tamén prevemos unha baixada nos ingresos de 250.000 euros, polo que non nos queda máis remedio que facer os axustes que fixemos e que recoñezo que nin nos gustan a nós nin lle gustan á cidadanía”.
González Barcia finalmente manifestou que “a pesares de todo, Burela ten un futuro esperanzador, porque cando rematemos de pagar o crédito da débeda do antigo Concello de Cervo, que nos pesa coma unha lousa, respiraremos e poderemos afrontar o futuro con máis seguridade e en mellores condicións. En definitiva, trátase de facer agora as cousas con seriedade e rigor, para abordar o futuro con garantías”.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
