A Deputación dota a Viveiro dun camión do lixo, aforrando custes e mellorando os servizos municipais
– Lara Méndez fixo entrega do vehículo de recollida de lixo, financiado ó 100% pola Deputación de Lugo, que permitirá que finalmente se poida dar uso ós contedores soterrados
– O camión, de 290 cabalos de potencia e equipado con guindastre, permitirá baleirar as dúas primeiras das seis liñas de contedores soterrados coas que contará o casco histórico
– Coa posta en uso destes contedores de 3.000 litros de capacidade a recollida de residuos será máis eficaz, eliminaranse obstáculos nas vías e mellorará o atractivo turístico da localidade
A Vicepresidenta Segunda, Lara Méndez, fixo entrega ó Alcalde de Viveiro, Melchor Roel, das chaves dun camión de recollida de residuos sólidos para dito municipio. Trátase dun vehículo financiado integramente pola institución provincial con 180.000 euros, dentro da aposta pola máxima cooperación cos Concellos para aforrarlles custes e mellorar servizos municipais.
Durante o acto de entrega das chaves, que tivo lugar diante da Casa do Concello, Méndez quixo subliñar que “dende a Deputación mantemos moitas liñas de colaboración directa con todos os Concellos da provincia, encamiñadas á mellora da calidade de vida dos seus veciños; este é un paso máis para dar resposta a necesidades longamente demandadas polo viveirenses”. Con este camión, finalmente se poderá dar uso as dúas primeiras liñas de contedores soterrados dos que dispón Viveiro, ás que se sumarán proximamente outras catro, situadas no casco histórico do Concello. Ademais destes modernos contedores, dispostos para a recollida selectiva de papel, vidro, restos orgánicos e plásticos, e realizados con fondos do Plan E, tamén será posible reutilizar un contedor hidráulico feito pola Xunta e que debido ó nivel freático da localidade non era posible empregar por mor dos continuos asulagamentos que sufría.
O camión conta cunha capacidade de 16 m3, e unha potencia de 290 cabalos para mover as súas 18 toneladas de peso. Dotado de caixa recolectora-compactadora, sistemas de recollida traseiro e superior e guindastre, ten ademais a cualificación EURO V, a máxima distinción que concede a Unión Europea a aqueles vehículos respectuosos co medio ambiente. Deste xeito, a recollida de residuos urbanos de Viveiro será moito máis eficaz e efectiva, xa que fronte ós 800 litros de capacidade dos vellos contedores de superficie, estes que se comezarán a usar contan con 3.000 litros, ademais de contar coas vantaxes obvias de facilitar o tránsito de peóns e vehículos polas rúas do casco histórico, xa libres de obstáculos, así como de mellorar o aspecto da localidade.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
