A PRAIA DE AS CATEDRAIS RECUPERA A BANDEIRA AZUL NESTE 2012 E ADEAC GALARDOA POR PRIMEIRA VEZ CON ESTE DISTINTIVO AO SENDEIRO AZUL QUE VAI DESDE O FARO ATA AS ACEAS. FERNANDO SUÁREZ ASEGURA QUE “ISTO É UN ESPALDARAZO Á POLÍTICA MEDIOAMBIENTAL QUE ESTÁ A LEVAR ADIANTE O CONCELLO”.
Ribadeo, 6 de xuño de 2012. A praia de As Catedrais recupera a bandeira azul neste 2012, a de Esteiro conseguea por primeira vez, a de Os Castros/Illas ven de renovala uno ano máis e ADEAC recoñece e galardoa como sendeiro azul o paseo que vai desde o faro ata As Aceas. O alcalde, Fernando Suárez, asegura que “isto é un espaldarazo á política medioambiental que está a levar adiante o Concello de Ribadeo”.
O rexedor sinalaba este mediodía que “é unha moi boa noticia para Ribadeo polo espaldarazo que supón á política medioambiental que estamos a levar adiante desde o Concello no tocante ás praias e a este sector ao que de maneira continuada nestes últimos anos querésmolle dar un realce importante de cara ao turismo, para que a calidade das nosas augas das praias sexan un reclamo de primeira magnitude para o sector dos servizos, da hostalería, da restauración, dos hoteis, dos hostais…”.
Suárez Barcia dixo que “é moi importante que no día de onte recibísemos a noticia de que nos renovaban as dúas bandeiras de Q de calidade tanto para As Catedrais como para Os Castros-Illas e agora acabamos de saber que Ribadeo, aparte de recuperar a bandeira azul na praia de As Catedrais, que se perdera o ano anterior, volvemos ter a bandeira azul na praia de Os Castros/Illas, temos por primeira vez a bandeira azul na praia de Esteiro e temos un recoñecemento dos poucos que hai a nivel de estado ao que se chaman sendeiros azuis, ao que presentamos desde o faro ata As Aceas. Trátase dunha ruta turística de paseo impresionante, moi bonita, que agora ten este recoñecemento de sendeiro azul por parte de ADEAC”.
O alcalde de Ribadeo destacou o traballo que fai a Delegación de Medio Ambiente encabezada por Horacio Cupeiro, “él é o artífice da recuperación da bandeira azul nas Catedrais, él é o artífice de que nos deran por primeira vez este recoñecemento de sendeiro azul e desde logo a política medioambiental que fai o Concello de Ribadeo hai moi poucos concellos que estean ao nivel no que está Ribadeo”.
Fernando Suárez felicita ao Real Club Náutico de Ribadeo polos galardóns obtidos, “quero facerlle chegar os meus parabéns ao Real Club Náutico de Ribadeo pola bandeira azul que locirá un ano máis e pola Q de calidade turística, que conseguía tamén na xornada de onte ao igual que as praias de As Catedrais e Os Castros/Illas”.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
