AS PRAIAS DE A MAROSA E O PORTELO, O BARCO MUSEO REINA DEL CARMEN E A AULA MEDIOAMBIENTAL GAIA LUCIRÁN UN ANO MÁIS AS BANDEIRAS AZUIS QUE LLES VEN DE CONCEDER ADEAC. GONZÁLEZ BARCIA ASEGURA QUE SE TRATA DUNHA MOI BOA NOTICIA PARA BURELA E AGRADECE A COLABORACIÓN DE TODOS OS TRABALLADORES PARA LOGRAR ESTES GALARDÓNS.
Burela, 6 de xuño de 2012. As praias de Marosa e O Portelo, o barco museo Reina del Carmen e a Aula Medioambiental Gaia lucirán un ano máis as bandeiras azuis que lles concede ADEAC. O alcalde, José María González Barcia, asegura que “se trata dunha moi boa noticia para Burela” e subliña que “o equipo de goberno traballa para que Burela sexa de novo referente en Galicia e en España en materia de medio ambiente”.
A praia da Marosa en Burela ven recibindo este galardón desde o ano 1993, “é unha das máis antigas de Galicia”, O Portelo tivo bandeira azul de 1999 a 2002 e desde 2004 ata a actualidade, o barco museo Reina del Carmen recibiuno por primeira vez no ano 2002 e a Aula Medioambiental Gaia no 2000 e mantéñeno desde entón.
Para González Barcia “a renovación da concesión das bandeiras azuis ás praias de A Marosa e O Portelo, ao barco museo Reina del Carmen e á Aula Medioambiental Gaia é sen dúbida unha moi boa noticia para Burela e para os seus cidadáns. Representa que mantemos emblemas que no seu momento foi moi costoso conseguir e veñen ratificar o compromiso do actual equipo de goberno e do anterior equipo de goberno do PP a favor do desenvolvemento turístico e medio ambiental de Burela”.
O alcalde burelés tivo palabras de agradecemento para os veciños de Burela, “sen dúbida ningunha en gran medida esta renovación da concesión das bandeiras azuis se debe tamén ao espíritu de colaboración e de implicación da cidadanía, que se mostra respetuosa coas praias e co medio ambiente. Esto anímanos a seguir traballando a favor dunha maior potenciación turística do noso concello, tendo en conta a situación que estamos a vivir, e tentar recolocar a Burela como referente medioambiental en Galicia e a nivel nacional, tal e como foi hai aproximadamente seis ou sete anos”.
José María González Barcia manifestou que “as Delegacións de Medio Ambiente e Mar por un lado e Turismo por outro están a funcionar de forma máis que aceptable. O noso compromiso está aí e por dedicación non vai quedar. Agora empezaremos xa a traballar na renovación destes premios para o ano que ven”. E pediu colaboración “a todo o mundo porque as praias hai que telas limpas e eso é cousa de todos, o pobo hai que telo limpo e eso é cousa de todos, e hai cuestións que son cousa de todos. En Burela estamos acostumbrados a facer espíritu de sacrificio e a traballar en conxunto e neste caso eu apelo tamén a esa colaboración para continuar tendo a Burela como referente turístico e medioambiental”.
O alcalde agradece “a todos os traballadores, aos que estaban e aos que están na actualidade, a colaboración realizada para a consecución das bandeiras azuis”.
A concelleira de Turismo, Mónica Pedre, sinalou que “bandeira azul é unha promoción moito máis barata para o Concello de Burela que as ISO ou a Q de calidade e por eso apostamos por este recoñecemento. Pensamos que foi moi bó para a nosa vila que ao longo destes anos os nosos areais, o barco museo e a aula medioambiental contasen con este galardón”. Pedre anunciou que “os areais de Burela manterán os mesmo servizos que o ano pasado”.
Pola súa banda a responsable de Medio Ambiente e Mar, Patricia López, lembrou que “o traballo iniciado hai anos segue a dar os seus frutos. Burela foi referente medioambiental en Galicia e en España e neso se vai centrar o noso traballo ao longo dos vindeiros meses. Imos tentar revitalizar a Axenda 21, que puxo en marcha o anterior equipo de goberno do PP”. López Eijo subliñou que “Burela é un dos poucos concellos galegos que teñen aula medioambiental. Seguiremos a traballar, a pesares da escasez de recursos que estamos a sofrir nestes momentos”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
