O BNG SOLICÍTALLE A FEIJÓO E RAJOY UNHA ALTERNATIVA PARA A CONTINUIDADE DE ALCOA NA MARIÑA
Antonio Veiga pídelle ao goberno do Estado que para salvar o emprego teña a mesma celeridade que para salvar a banca
“A inxección de diñeiro á banca converte aos cidadáns en avalistas desta grande estafa”, afirma Antonio Veiga
A Mariña, 25 de xuño de 2012. O responsábel comarcal do BNG na Mariña, Antonio Veiga, demandou esta mañá aos responsábeis do goberno da Xunta de Galiza e do Estado, e nomeadamente ao responsábel da carteira de Industria, o ministro Soria, que poñan enriba da mesa as alternativas necesarias para garantir a viabilidade e a continuidade do funcionamento de Alcoa na Mariña
Veiga Mostrou a súa preocupación “diante do anuncio que a Comisión Europea fixo público en relación co rescate á banca onde se afirmaba que un dos aspectos onde se tiña que concretar o recorte era na limitación do déficit tarifario, algo que nos preocupa moito xa que apunta directamente á situación que se pode dar entre grandes consumidores como Alcoa. Non é de recibo que a Comisión Europea faga este tipo de propostas xa que a día de hoxe noutros estados da Unión, sen ir máis lonxe en Francia ou Alemaña existe un tratamento eléctrico diferenciado para este tipo de empresas e mesmo dentro do propio Estado español co tema dos territorios insulares. Non é de recibo que o goberno do Estado mobilice recursos públicos para salvar ao sistema financeiro até o punto de ter inxectado ao mesmo 150.000 millóns de euros aos que debemos sumarlle a cantidade que se vai aportar a través do Plano de Rescate, polo que hai que esixir esa mesma celeridade para salvar os 2.000 postos de traballo directos que hoxe ocupa o complexo de San Cibrao así como toda a actividade económica que na comarca da Mariña está asociada a esta empresa”.
Antonio Veiga esixiu, unha vez máis, que os distintos responsábeis se aclaren diante desta situación e que o Goberno do Estado e o Goberno autónomico poñan enriba da mesa solucións que garantan o futuro da planta de Alcoa. “É hora de deixar a un lado os triunfalismos e a demagoxia co suposto apoio a Alcoa e aos seu traballadores, e que se anuncien solucións. Se o ministro Soria, o presidente Feijóo ou a delegada da Xunta en Lugo, Raquel Arias, teñen esas solucións, que as digan xa e deixen de xogar ao despiste con anuncios que non se concretan en propostas”.
Á situación de incertidume que se está a vivir nesta empresa galega, que xera máis de 2.000 empregos e aporta máis do 30% do PIB lucense, hai que sumarlle a preocupación que engaden as declaracións da canciller Alemana, Ángela Merkel, sobre a repercusión do rescate na eliminación do déficit tarifario.
“Desde o BNG da Mariña esiximos que a mesma axilidade e rapidez coa que se lle buscan solucións aos problemas da banca, provocados pola mala xestión dos seus directivos e da falla de control dos gobernos central é autonómico, sexa empregada para lograr unha tarifa eléctrica reducida para as empresas que son grandes consumidoras e as comunidades autónomas con excedente de produción. Todos os galegos e galegas pagan as consecuencias do buraco deixado pola nefasta xestión dos ex directivos das caixas galegas e que foi permitida pola Xunta de Galiza, e que supón 7.000 millóns de euros, é dicir o 12% do PIB galego, pero ningún responsable político está a presentar solucións para Alcoa”.
Non é un rescate, é un secuestro: Europa imporá condicións
O portavoz nacionalista na Mariña volveu denunciar no día de hoxe, coincidindo coa petición de rescate á banca por parte do Goberno do Estado, as consecuencias que para a comarca da Mariña e para o conxunto do país vai ter “a inxección de diñeiro á banca por medio do FROB, na medida en que esta decisión convirte ao conxunto dos cidadáns en auténticos avalistas desta grande estafa. Hai que reparar na letra pequena das condicións que determina a Comisión Europea e que van ter repercusións tanto no aumento do IVE, algo que grava por igual a todo o mundo e que repercute máis gravemente en Lugo polos baixos salarios e pensións; así como outras medidas tal que a conxelación das pensións, cando sabemos que en Lugo é un colectivo maioritario e que por riba ten as pensións máis baixas do Estado; e outras que mesmamente van significar un problema para o desenvolvemento económico e territorial da comarca e de Galiza no sentido en que o Estado está a estudar o estabelecemento de peaxes para as autovías fundamentalmente para aqueles tramos que a día de hoxe xa están en construción, o que provocaría que isto afectase a tramos centrais para a comunicación da Mariña con Galiza e o resto do Estado, como moitos da autovía do Cantábrico.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
