O Club Traviesas Natación proclamouse campión galego Máster de verán
-O club vigués conseguiu ademais outros dous títulos como vencedor nas categorías masculina e conxunta
-A delegada da Xunta en Lugo, Raquel Arias, participou na entrega de trofeos as gañadores
Cervo, 11 de xuño de 2012-Uns 200 nadadores de entre 20 e 81 anos e de 15 clubs de Galicia participaron no Campionato Galego Máster de Natación Open celebrado o domingo durante todo o día na piscina olímpica cuberta de Lieiro. Un torneo do que saíu vencedor o Club Natación Traviesas, de Vigo, que ademais de ser o campión galego Máster de verán tamén conseguiu o título de campión das categorías masculina e conxunta. O lucense Club Natación ProtaMiñá proclamouse gañador na categoría feminina.
En canto aos premios aos participantes de maior idade, foron para Celia Iglesias Blanco, do Club Natación Pabellón de Ourense e Luis Gómez Sanmartín, do Club Natación Máster Mos. A delegada da Xunta en Lugo, Raquel Arias, o alcalde de Cervo, Alfonso Villares e o edil de Deportes, José Ramón Soto foron os encargados de facer entrega dos trofeos.
Un evento deportivo de relevancia na comunidade “que foi un éxito rotundo de participación, tanto a nivel competitivo como de público” asegura o concelleiro. “As instalacións municipais estiveron á altura do elevado nivel do campionato e a colaboración coa Federación Galega de Natación e o Club Natación PortaMiñá tiveron un excelente resultado” engade Soto. “De feito, a cooperación entre entidades públicas e privadas é o que fan posible acontecementos coma este”.
Para o delegado de Deportes colaboración “é precisamente unha actitude que descoñecen os líderes da oposición de Cervo, que en toda a semana previa ao campionato non tiveron unha soa palabra positiva para este evento”. Aínda así, e “a pesar do intento de boicot dos socialistas, quedou demostrado que os seus frívolos esforzos por estragar o evento foron en van, xa que coma en todo, a unión fai a forza, e neste caso, esa colaboración entre a Federación, o Club PortaMiñá e o Concello foron máis fortes que calquera chapuza verbal dos socialistas”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
