PILAR ARMADA TOMA POSESIÓN COMO EDIL E O GOBERNO ELIMINA A PRAZA DE ASESOR AMOSANDO QUE ESTE POSTO NON TIÑA OUTRO FIN QUE NON FOSE A SÚA XUBILACIÓN
-Os socialistas aseguran que aínda por riba “cobrará máis que a súa antecesora, o que representará un aumento nos gastos de persoal do seu grupo municipal”
-O goberno de Villares queda en evidencia pero “os veciños aínda teremos que dar as gracias, mentres eles se vanaglorian xustificando que a supresión do posto suporá un aforro á facenda local”
CERVO, 23 DE XULLO. No último pleno do Concello de Cervo ademais da aprobación de presupostos, tivo lugar a toma de posesión da concelleira Pilar Armada como substituta da dimitida Pilar Álvarez, “esta incorporación o único que suporá será o incremento de gastos de persoal do seu grupo municipal porque cobrará moito máis do que cobraba a súa antecesora”.
Non é xusto que mentres os seus compañeiros do PP no Goberno Central están impoñendo un esforzo sobrehumano a parados, traballadores, pensionistas, estudiantes… “o equipo do señor Villares segue subindo os seus propios soldos”.
Co novo cargo de concelleira, Pilar Armada deixa o seu posto de asesora de políticas sociais vacante, un posto que hai dous días o señor alcalde defendía como de primeira necesidade, “da noite para a mañá será eliminado. Queda así máis que demostrado que o GMS tiña razón cando afirmaba que esta praza de asesor só tiña a finalidade de solucionar a xubilación desta señora, pois se fose tan necesaria, agora tería que ser cuberta con outra persoa”.
É vergoñento que os veciños teñan que soportar este tipo de maniobras do señor Villares e “aínda teremos que dar as gracias porque en lugar de recoñecer cal é a verdadeira historia, aínda se vanaglorian xustificando que a supresión deste posto suporá un aforro á facenda local”.
Subliñan que “non é así señor alcalde, diga que o posto que creou de asesor simplemente era para cubrir as necesidades desta señora que non entrou no reparto de carteiras do concello. Agora que volve ó goberno de rebote, non lle importa nada o que lle poida aportar un asesor en políticas sociais”.
Os socialistas alégranse de que sexan eles mesmos os que desvelen públicamente os seus propios amaños, “esta era unha praza que nunca se tiña que ter creado, unha praza que un concello coma Cervo con menos de 5.000 habitantes non podía soster e que só tiña como fin solucionar as necesidades da señora Pilar Armada. Dende o primeiro momento, nós alertamos ós veciños desta situación, agora, eles mesmos se delatan”.
Minten máis que falan
O goberno local de Cervo parece que quere seguir falando sobre os presupostos, e responde as nosas críticas “con medias verdades, por non dicir mentiras”.
A principal crítica dos membros do GMS ós orzamentos estaba dirixida á falta de políticas activas de fomento de emprego “pero parece ser que deste tema non lles convén falar. Non entramos na partida de educación para nada, pero se queren que entremos, non temos ningún tipo de problema. Teñen a osadía de afirmar que o 25% do gasto total se dirixe a servizos sociais e educación, cando baixo ese epígrafe se inclúen máis de 483.000 euros dirixidos á Praza dos Campos. Que ten que ver esta praza coa educación e os servizos sociais? A resposta técnica dada no pleno é que cando se abriu este capítulo, o lugar onde se ubica hoxe en día a praza estaba ocupado polo colexio Rivera Casás, e ata que se finalice non se pode retirar da partida de educación. Este equipo de goberno ten tan pouca vergoña que aínda nos queren tratar de tontos, pero non vai ser así”.
Os socialistas consideran que non hai nada máis insultante que o goberno pretenda mentirlle ós veciños que representa, “sabemos que todas as asociacións reciben axudas, pero o que nós subliñamos é que non todas levan a mesma contía, que expliquen os criterios de reparto que siguen porque diso debéronse esquecer ó redactar a resposta. De paso, que fagan memoria tamén de cantos euros destinarán a políticas activas de emprego e que teñan en conta que os datos que manexamos non son outros que os facilitados polo mesmo Concello”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
