IAGO BARRO FORMALIZA A RENOVACIÓN DO SEU SEGUNDO ANO LARANXA
O gardameta Iago Barro formalizou onte pola tarde a renovación do seu segundo ano laranxa na sede do Burela FS Pescados Rubén, xunto ao vicepresidente da entidade, Manuel Blanco.
“Era o gran soño, un soño persoal, do equipo, da directiva, da afección e da vila enteira“. Así trasladaba a súa ledicia o porteiro viveirense por continuar a traxectoria co Burela FS, co engadido do debut na Primeira División. “É un novo inicio para min, que hai tan só un ano me estreaba en Segunda, e unha oportunidade para aprender, adquirir experiencia e, sobre todo, gozar do mellor fútbol sala cos mellores rivais”, explicou con emoción Iago, que non ve a hora de comezar a adestrar e preparar a tempada. “Haberá moitos cambios, pero o club aposta por este proxecto e o equipo estará disposto a defender o nome de Burela e do Burela FS Pescados Rubén na mellor liga do mundo. Espero que este sexa o primeiro ano de moitos na elite para o Burela FS” confesou o meta laranxa.
O vicepresidente laranxa trasladou o orgullo do club por contar de novo con Iago Barro baixo os paus, “un deportista ao que a súa xuventude non lle impediu demostrar serenidade e madureza nunha categoría na que se estreou a tempada pasada” explicou. “O Burela FS seguirá apostando pola xuventude e os futbolistas da terra na consolidación do proxecto“, puntualizou Manuel Blanco.
A continuidade do porteiro mariñán para o debut na Primeira División súmase á do capitán, Juanma Marrube, e o novísimo ala burelao, Iago Míguez, con contrato en vigor. Os tres xogadores participarán esta semana no VI Campus Mixto Intenacional de Fútbol Sala Base Burela FS (12, 13 e 14 de xullo), xunto ás visitas do adestrador de porteiros da Selección Española de Fútbol Sala, César Arcones, e o preparador físico da Vermella, Antonio Bores, entre o seu profesorado.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
