Máis de 200 lucenses redescobren esta semana no programa Km0 os Concellos de Meira, Ribadeo, Monforte, Sober e O Vicedo
– As catro rutas organizadas no marco do proxecto medioambiental da Deputación dinamizarán a actividade hostaleira e comercial destes municipios
– O Deputado de Cooperación recibiu este martes ó primeiro grupo da semana, 48 persoas anotadas de xeito individual, que fixeron o itinerario O Pedregal
Máis de 200 veciños da provincia redescubrirán os Concellos de Meira, Ribadeo, Monforte, Sober e O Vicedo nas catro rutas organizadas para esta semana no marco do programa Km0 impulsado pola Deputación para potenciar a economía medioambiental e o turismo interior. Este proxecto, que leva en marcha dende hai tres anos e medio, beneficia a actividade das súas 250 empresas colaboradoras, sobre todo PEMES e autónomos, que dan emprego directo a case 1.400 persoas. Os itinerarios, que terán lugar hoxe, o mércores, o xoves e o sábado, dinamizarán a actividade hostaleira e comercial dos municipios polos que discorren, xa que os participantes farán paradas e percorrerán as diferentes localidades.
O Deputado de Cooperación e Asistencia ós Concellos, Juan José Díaz Valiño, recibiu este martes ó primeiro grupo da semana, 48 persoas anotadas de xeito individual, que fixeron a ruta O Pedregal. Trala recepción, no Salón de Plenos do Pazo de San Marcos, achegáronse ó Castro de Viladonga. A comida tivo lugar na Casa Cazoleiro de Meira, para máis tarde visitar o nacemento do río Miño en Pedregal de Irimia, o Mosteiro de Santa María, e rematar esta ruta cunha visita á área recreativa de Fonmiñá.
Mañá mércores haberá outra cita. A ruta Ría de Ribadeo, que demandaron 55 membros da Asociación Cultural Abrente das Nogais. O grupo visitará o Centro Interpretación Terras do Miño, no paseo lucense do Rato, ó saír da Deputación. Logo, achegarase ó Restaurante Forno Ponte dos Santos en Ribadeo para comer, e xa pola tarde fará unha travesía en barco. Completa esta ruta unha subida no ascensor panorámico de Porcillán e unha visita ó casco histórico e ó Mosteiro das Clarisas.
A programación desta segunda semana de xullo continúa o xoves co traxecto Catamarán por Amandi, do que gozarán 48 membros da Asociación de Sabadelle de Chantada. Visitarán, en primeiro lugar, o Centro de Interpretación Terras do Miño e comerán no restaurante Ribeira Sacra de Monforte para logo facer unha ruta de sendeirismo hasta Pena do Castelo. Por último, embarcarán tamén en catamarán para gozar dunha travesía por Amandi.
O sábado haberá unha nova ruta do recén estreado Km0 Fin de Semana. Será a de Illa Coelleira e dela gozarán 55 membros da Asociación Cultural de Castro Rei. O colectivo dará un paseo polos Robles e logo embarcará en catamarán. A comida terá lugar en Area Grande para percorrer pola tarde a praia do mesmo nome. Unha visita á Estaca de Bares e á Illa Coelleira completan este traxecto. Por último, gozarán dun paseo polo porto do Vicedo.
Inscrición rápida e sinxela
Todos os interesados en participar en Km0 ou Km0 Fin de Semana poden inscribirse de xeito rápido e sinxelo chamando ó número de teléfono 982-26-00-74/75; ou entrando en www.deputacionlugo.org onde, dende a portada, deberán acceder ó espazo Km0, cubrir o formulario e envialo á km0@deputacionlugo.org A continuación, poderán efectuar o pago, que será de 8 euros para grupos de menos de 24 persoas e individuais, e de 5 euros para grupos de máis de 24 persoas. Quedan excluídos da modalidade de pago todos os colexios e institutos públicos. A institución facilita dúas modalidades de pago: persoalmente no servizo de Tesourería (Pazo de San Marcos) ou nas sucursais de NovaGalicia (co número de conta 20800152663110001425).
A reserva e pago das rutas tamén pode facerse a través da plataforma de comercio electrónico www.losproductosdelugo.com da Deputación, onde o usuario ten que pinchar, á esquerda do portal, no apartado Ocio, onde atopará un link cos itinerarios. Optando por esta alternativa, os participantes teñen un desconto do 10% no custe das actividades.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
