MÁIS DE 300 ILUSIÓNS HONRARON A MEMORIA DE RODRIGO MASEDA
Luns 9 de xullo. A bisbarra mariñá pechou onte a primeira edición do Torneo Imdecum de Fútbol Sala Base, con máis de 300 pequenas ilusións futbolísticas que honraron na pista a memoria do homenaxeado, o mozo policía burelao Rodrigo Maseda Lozano. Os pavillóns Vista Alegre, Monte Castelo, A Veiga-San Cibrao e Marzán-Foz acolleron un recital goleador, no que todos os participantes fixeron numerosos méritos para facerse cos ansiados trofeos.
O histórico madrileño UD Las Rozas Boadilla impúxose en dúas das catro categorías, benxamín e infantil. O premio de alevíns quedou na comarca, na vitrina de ADFS A Mariña, e o de cadetes gañouno a ED Vigo 2015. A deportividade brillou na comarca, cos títulos para ED EON Burela FS B (benxamín), Ribadeo FS (alevín) e San Cibrao (infantil); os madrileños destacaron polo xogo limpo na categoría cadete e impuxéronse como pichichis en benxamíns, alevín e infantís.
O acto da clausura do Memorial Rodrigo Maseda Lozano contou coa presenza do vicepresidente primeiro da Deputación de Lugo, Antonio Veiga Outeiro; o alcalde de Burela, José María González Barcia; e Cesarina Fanego e Rubén Blanco, representando a Pescados Rubén como membro do padroado da fundación, xunto a José Ramón Maseda, irmán do homenaxeado.
BENXAMÍN
Equipo máis deportivo – ED EON BURELA FS B
Máximo goleador – DAVID VICENTE (Boadilla A) // DIEGO FERNÁNDEZ (A Mariña)
Mellor xogador – HUGO RODRÍGUEZ (A Mariña)
CAMPIÓN – UD LAS ROZAS BOADILLA A
SUBCAMPIÓN – ADFS A MARIÑA
3º CLASIFICADO – TROULA FS
ALEVÍN
Equipo máis deportivo – RIBADEO FS
Máximo goleador – IGNACIO DE MIGUEL (Boadilla)
Mellor xogador – ANTÓN BASTEIRO (Troula FS)
CAMPIÓN – ADFS A MARIÑA
SUBCAMPIÓN – ED EON BURELA FS A
3º CLASIFICADO – UD LAS ROZAS BOADILLA
INFANTIL
Equipo máis deportivo – SAN CIBRAO
Máximo goleador – ALBERTO DÍAZ GUERRA (Boadilla)
Mellor xogador – MARIO OLIVA (Boadilla)
CAMPIÓN – UD LAS ROZAS BOADILLA B
SUBCAMPIÓN – ED VIGO 2015
3º CLASIFICADO – ED EON BURELA FS
CADETE
Equipo máis deportivo – UD LAS ROZAS BOADILLA B
Máximo goleador – SAMUEL FERNÁNDEZ (ED Vigo 2015)
Mellor xogador – HÉLDER GONÇALVES (CD Burela FS A)
CAMPIÓN – ED VIGO 2015
SUBCAMPIÓN – CD BURELA FS A
3º CLASIFICADO – CD BURELA FS B
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
