O BURELA FS PRESENTA A SEXTA EDICIÓN DO CAMPUS MIXTO INTERNACIONAL
O CD Burela FS Pescados Rubén presentou esta mañá a sexta edición do Campus Mixto Internacional de Fútbol Sala Base bautizado co nome da entidade laranxa, que terá lugar entre o 12 e o 14 de xullo. O salón de plenos da casa do concello da localidade acolleu o acto coa presenza do tenente de alcalde de Burela, Manuel Fernández Valle, a concelleira de Deportes, Beatriz Piñeiro López, e o presidente da fundación colaboradora Imdecum, Marcelino Luna Almarza, xunto ao presidente do club burelista, José Ramón González Casas.
O Concello de Burela felicitou o comité organizador e o club “polo desenvolvemento e conservación de iniciativas que impulsan a motivación e afección ao deporte entre os máis pequenos” en palabras de Beatriz Piñeiro.
Marcelino Luna tamén aplaudiu o proxecto de base do Pescados Rubén e transmitiu a noraboa por “superar a calidade do profesorado, que edición tras edición reúne a profesionais de prestixio internacional”. “Para a Fundación é un orgullo apoiar iniciativas coma o campus, que traballa por consolidar os valores de deporte e saúde entre a xuventude” explicou o presidente de Imdecum.
José Ramón González Casas concluíu a presentación expresando o agradecemento da entidade a patrocinadores e colaboradores, “un apoio co que o campus non só consegue manterse senón tamén consolidarse entre as referencias deportivas estivais ano tras ano”. O clínic burelista conta co patrocinio da Área de Deportes da Deputación de Lugo, Concello de Burela, Fundación Imdecum e Living Sport, ademais da colaboración do Concello de Cervo, Construcciones Saa SL, IES Monte Castelo, CEIP Vista Alegre e Bifrutas Pascual. A Mariña-El Progreso é o xornal oficial da cita, con Eje Atlántico e Costa de Lugo Aseguradores como grupo asegurador.
Matrícula aberta. Ata o venres 6 de xullo, a matrícula estará aberta (de 7 e 14 anos) para gozar dunha cita que contará co adestrador de porteiros da Selección Española de Fútbol Sala, César Arcones, e o preparador físico da Vermella, Antonio Bores, entre o seu profesorado. A folla de inscrición está á disposición das persoas interesadas nas oficinas do club (avda. Arcadio Pardiñas, número 97) ou a través de www.burelafs.org/campus. As tarifas para o alumnado da ED EON Burela FS e dos clubs vinculados á entidade laranxa por convenios será de 35 euros e para o resto de 50. Aqueles/as alumnos/as que o desexen tamén poderán escoller entre un réxime de media pensión (25 euros máis) e un de pensión completa (60 euros máis).
FOTO: De esquerda a dereita, Marcelino Luna, presidente da Fundación Imdecum; Manuel Fernández, tenente de alcalde de Burela; Beatriz Piñeiro, concelleira de Deportes; e José Ramón González Casas, presidente do CD Burela FS
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
López agradeceu á Academia Galega do Audiovisual por escoller Lugo e destacou a importancia do evento para visibilizar o talento local e o apoio provincial ao sector. A gala contou cunha ampla representación lucense: Nuno Pico e Xaime Miranda polo videoclip Antes fun moi malo; Fran Fórneas e Sergio Marey por Ferido do Xoán; Sabela Ramil e Andrea Mesa por Non cho podo dar; o dúo Fillas de Cassandra; e o burelés Breixo Llano, do equipo de Cos pés na terra. Ademais, a película Sirāt, do naviego Oliver Laxe, foi unha das grandes favoritas con 14
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
