O encoro de Río Covo acollerá unha xornada de piragüismo co campión olímpico David Cal
-A actividade terá lugar este xoves día 12 pola tarde e para participar é necesario inscribirse
-Poderán acudir todas as persoas que o desexen cos únicos requisitos de saber nadar e ter a partir de 8 anos de idade
Cervo, 9 de xullo de 2012-A delegación de piragüismo do Club Deportivo San Ciprián organiza, coa colaboración do Concello de Cervo, unha xornada de achegamento ao piragüismo que contará coa participación especial do campión olímpico David Cal, gañador de catro metais nos Xogos de Atenas e Beijing e que recentemente acadou o bronce no Campionato de Europa celebrado en Zagreb. A actividade terá lugar o próximo xoves, día 12, entre as 17:00 e as 20:00 horas no encoro de Río Covo, o mesmo lugar no que o padexeiro cangués leva case dous meses adestrando e preparándose para as Olimpíadas de Londres.
Para participar nesta xornada de piragüismo é necesario cumprir dous requisitos, como son saber nadar e ter a partir de 8 anos. Tamén é preciso inscribirse ata o 11 de xullo na Casa do Concello de Cervo ou na Casa da Cultura de San Ciprián en horario de oficina, co obxectivo de que a organización poida preparar os equipos necesarios para o seu desenvolvemento. As persoas participantes terán á súa disposición todo o material de seguridade e o equipamento imprescindible para practicar este deporte.
Tres monitores nacionais do Club Deportivo San Ciprián, Javier García Garza, Ana Álvarez e Cristina García, serán os encargados de impartir este curso intensivo. Todos eles estiveron na presentación da actividade á que tamén acudiron o alcalde de Cervo, Alfonso Villares, o edil de Deportes, José Ramón Soto, o padexeiro David Cal, o seu adestrador, Suso Morlán, e o presidente do Club Deportivo San Ciprián, José Antonio García Casas.
David Cal compartirá a súa experiencia como padexeiro con todas as persoas que participen nesta actividade, “e ben seguro a súa presenza na xornada terá unha grande capacidade de convocatoria, especialmente entre os máis pequenos” asegura o edil de Deportes. “Non todos os días temos a oportunidade de practicar un deporte xunto a un campión olímpico, e este é un momento ideal para coñecelo e aprender del” remarca José Ramón Soto, que lle agradeceu “a súa boa disposición a colaborar activamente en actividades coma esta”.
O padexeiro cangués acudira noutros anos a compartir o seu tempo con rapaces e rapazas das escolares deportivas “pero esta é a primeira vez que a xornada se desenvolve dun xeito práctico e nas augas do encoro de Río Covo”. Soto tamén quixo agradecer ao Club Deportivo San Ciprián “a súa desinteresada contribución a esta actividade achegando recursos humanos e materiais que fan posible que a xornada sexa unha realidade”.
“O goberno local pretende potenciar a práctica do piragüismo” engade o concelleiro, “tendo en conta que no municipio de Cervo dispoñemos dun lugar cunhas características excepcionais para a práctica deste deporte, como é o encoro de Río Covo”, e boa mostra diso é que “ven sendo o lugar de preparación de David Cal para unha cita deportiva tan relevante como son os Xogos Olímpicos” remata Soto.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
