Os populares denunciaron ante a Fiscalía a publicación dun anuncio cos logos e tipografía da Vicepresidencia primeira da Deputación de Lugo na que se facía propaganda partidista contra a axuda europea aos bancos infrinxindo o establecido na normativa vixente sobre publicidade institucional
O Pleno municipal debaterá a esixencia de dimisión do Presidente e Vicepresidente da Deputación de Lugo
Dáse a circunstancia de que os portavoces do PSOE e do BNG na oposición en Cervo están a soldo do ente provincial e, a pesar diso, ningún deles condenou o uso de medios institucionais da Deputación para empregalos como altofalantes da estratexia de comunicación partidista.
Cervo 26 de xullo de 2012. O Pleno do Concello de Cervo que terá lugar esta tarde debaterá a proposta do Grupo Municipal Popular a esixencia de dimisión do Presidente e Vicepresidente da Deputación de Lugo. Os populares reclaman a marcha de Jose Ramón Gómez Besteiro e Antón Veiga logo de ter protagonizado irregularidades no uso dos medios institucionais provinciais.
Os feitos remóntanse ao pasado mes de xuño cando o Partido Popular denunciou ante a Fiscalía a publicación dun anuncio cos logos e tipografías da Vicepresidencia primeira da Deputación de Lugo no que o ente provincial facía propaganda partidista contra a axuda europea aos bancos. A devandita publicidade non responde aos criterios contemplados na lexislación vixente sobre as campañas institucionais.
No caso concreto de Cervo dáse a circunstancia de que os portavoces do PSOE e do BNG na oposición –Lara Méndez e Xose Antón Estua- perciben un soldo do Goberno bipartito da Deputación provincial, pero ningún deles fixo algunha declaración de condena polo uso irregular de medios institucionais da Deputación para empregalos como altofalantes da estratexia de comunicación partidista, neste caso do BNG.
Para o PP o devandito comportamento socava e denigra a imaxe pública da Deputación Provincial de Lugo, que lonxe de servir ao interese xeral convértese nun instrumento partidista ao servizo dos seus actuais gobernantes. Sinalan que en política os erros e as irresponsabilidades se asumen a través dun procedemento: a dimisión inmediata e irrevogable dos seus responsables, neste caso, do presidente e vicepresidentes provinciais.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
