OS SOCIALISTAS PIDEN A COMPARENCIA DE HERNÁNDEZ PARA QUE EXPLIQUE A SUPRESIÓN DE SERVIZOS TREN FEVE ENTRE VIVEIRO E RIBADEO
Ismael Rego interésase ademais por coñecer as medidas que a Xunta ten previsto tomar para evitar a supresión deste importante servizo, empregado por moitos usuarios para o seu desprazamento ao traballo e para xestións administrativas
Santiago, 27 de xullo de 2012. O parlamentario socialista, Ismael Rego, ven de solicitar a comparecencia do Conselleiro de Medio Ambiente, Territorio e Infraestruturas, Agustín Hernández, para que informe á Cámara sobre a posición do Goberno galego diante do anuncio da ministra de Fomento e a dirección da empresa FEVE de suprimir o servizo ferroviario existente na actualidade na Mariña luguesa entre Viveiro e Ribadeo.
Sorprende aos socialistas este anuncio de Pastor, que suporía eliminar unha conexión ferroviaria con unha importante afluencia de pasaxeiros, e que os populares querían converter en alta velocidade. Non entende Rego cómo os que hai uns días esgrimían argumentos de ocupación e servizo como para acometer a alta velocidade, agora non son capaces nin de manter o servizo de vía estreita.
O deputado socialista da Mariña interésase na súa iniciativa polas medidas que ten previsto adoptar o conselleiro de Medio Ambiente para que os cidadáns do norte de Lugo non se vexan privados deste servizo público, cada vez máis básico nesta zona, que acumula distintos enclaves urbanos ao longo dos oitenta quilómetros da costa lucense: Ribadeo, Foz, Burela, Cervo-Xove e Viveiro.
Neles concéntranse os servizos sanitarios, educativos, administrativos e os máis importantes centros de traballo, o que obriga a diario a un número considerable de desprazamentos, e que “en tempos de dificultade económica coma os que atravesamos fan que os transportes públicos para facilitar a mobilidade dos cidadáns sexan máis imprescindibles”, apunta Rego.
Unha maneira divertida e creativa de reciclar mentres soñan con aventuras baixo o mar.
Este mércores, 9 de xullo, a partir das 12h o Concello organiza unha excursión en kayak desde o porto de O Vicedo ata o Río Sor. Trátase dunha excursión dunhas 2 horas onde se fai un percorrido fantástico cruzando a ría para emprender a subida polo río Sor, pasando por debaixo das pontes sobre o río, Illa de S. Martín, Negradas e rematando na contorna de Ribeiras do Sor. Unha actividade para todas as idades que ten un custe de 20 € por persoa. Inclúe materiais e transporte de regreso desde Ribeiras do Sor ata o Porto do Vicedo. Inscricións no 982 59 01 95 en horario de mañá e tarde.
O Club Shitokai Galicia A Mariña presentou a catro aspirantes que resultaron aprobados: Carlos Fernández e Elena Dovale: 2º Dan (coa inestimable colaboración de Alejandra Gómez nos traballos técnicos por parellas). Gael Álvarez e Cristian Rancaño: Cinto Negro. Con estes resultados alcanzaron xa a cifra de 160 Cintos Negros Oficiais RFEK recoñecidos por CSD. A destacar o magnífico traballo realizado por todos os aspirantes.
Nada se puido facer por salvarlle a vida. O 112 Galicia foi coñecedor deste suceso uns vinte minutos antes das 14:00 horas deste domingo, momento no que un coche e unha moto colidiron, co motorista inconsciente logo do impacto. Desde o CIAE 112 Galicia solicitouse a intervención do Servizo de Urxencias Sanitarias de Galicia-061, do GES de Ortigueira, da Garda Civil de Tráfico e da Policía Local. Os medios acudiron ata o punto, no quilómetro 49 da AC-862, pero só puideron confirmar o falecemento do motorista.
Entregaron os agasallos a edil de Medio Ambiente, Mali Méndez, e o concelleiro Alfredo Fernández. 1º Premio: Banco de Loiba, de Diego Pérez Dopico. 2º Premio: Bolboretas: sementadoras de vida, de Germán Paleo Navarro e Paz, de Marcial Fernández. TOP CERVO: Ruínas, de Consuelo Fra Fernández e Paz, de Marcial Fernández. Mención especial para Adaoemam A Mariña "por ser sempre tan participativa en todas cantas iniciativas se promoven desde o Concello".
Este 5 de xullo, como todos os primeiros sábados de mes, reclamaron unha vez máis unhas pensións dignas.
Á cita acudiron máis dun centenar de persoas. No espectáculo, que atraeu a un numeroso público, realizouse unha viaxe emocional pola historia do mar galego, fiado a través de relatos reais e cantigas populares interpretadas en directo. A obra recupera vivencias de naufraxios na Costa da Morte, rendendo homenaxe tanto a quen perdeu a vida no mar como a quen quedou en terra: viúvas, orfos e persoas que prestaron auxilio, co obxectivo de que as súas historias non caian no esquecemento.
