EXISTEN OUTRAS PROPOSTAS
Nos últimos meses escoitei en diversas ocasións, case sempre en boca do ministro de Facenda e Administracións Públicas, que os recortes levados a cabo nas contas públicas españolas e o noso Estado do Benestar, foron porque “non había outra opción”.
Comprendo que cando a cantilena da “ herdanza recibida” comeza a cheirar a naftalina ao comparar os datos dos gobernos socialistas e o actual, instalouse a urxencia de cambiar a letra. Pero máis aló das escusas para saír do atasco, hai unha auténtica declaración ideolóxica detrás de tal afirmación.
Pretenden difundir o falso axioma de que os recortes son necesarios porque durante todo este tempo estivemos vivindo por encima das nosas posibilidades. Algo incerto xa que perante os anos de crecemento económico as contas públicas españolas chegaron a ter superávit. Queren facernos crer que as prestacións sociais, a educación pública e a sanidade gratuíta universal, son luxos que non podemos permitirnos. E, con iso, introducir a súa proposta de modelo de Estado coa man destra mentres impulsan debates ficticios mediante os seus provocadores oficiais.
O certo é que o actual sistema fiscal non resulta suficiente para conseguir un equilibrio orzamentario que permita garantir esas prestacións e é necesario recortar o déficit, si, pero non como está facéndoo o Partido Popular: existen outras propostas que non soamente non xeran este intolerable custo social, senón que ademais contribuirían a que a nosa fiscalidade tivese unha maior capacidade redistributiva (ademais de recadatoria) e recuperase progresividade.
Imposto ás grandes fortunas. Tras a reposición do reformado imposto sobre o patrimonio polo PSOE en 2011, estaba prevista a implantación deste tributo que xa se aplica noutros países europeos. Na súa falta, o PP agora podería seguir aplicando o primeiro xa que en 2012 deixa de estar operativo. As previsións máis prudentes estiman en 3.000 millóns de euros a cantidade que podería recadarse co novo gravame. Exactamente a cantidade que se recortou hai pouco en Educación..
Imposto de sociedades. Aínda que os tipos previstos en España atópanse dentro da media europea, as deducións existentes permiten que as grandes empresas paguen un tipo real próximo ao 17% cando o tipo nominal aplicable é do 30%. Isto prexudica, ademais, ás PEMES que non compiten nas mesmas condiciones que as súas homólogas de maior tamaño. É necesario, xa que logo, reformular este tributo. Unha modificación que permitiría ingresar 7.000 millóns de euros. Máis ou menos a contía que se recortou na sanidade.
Aumento do 10% do imposto sobre o tabaco e o alcohol. A proposta deixaría o viño e a cervexa exentos de tal subida, pero o resto de licores aumentaría o seu gravame nesa porcentaxe xunto co tabaco. O ingreso previsto estímase en, polo menos, 1.000 millóns de euros.
Eliminación das deputacións provinciais. A súa supresión reportaría outros 1.000 millóns de euros.
Trátase, xa que logo, de 12.000 millóns de euros, nin máis nin menos, que permitirían reducir o déficit sen necesidade de adoptar opcións traumáticas para os cidadáns e dramáticas para as propias contas públicas. A diferenza da desproporcionada e inxusta subida do IVE ou a introdución de taxas xudiciais, que repercuten en toda a poboación sen importar a súa capacidade económica ou situación laboral.
Existen outras propostas igualmente importantes, como a implantación de moitas máis medidas contra a fraude fiscal, e non a actual amnistía, que deben abordarse.
Polo tanto, é absolutamente falso que non haxa outras opcións. Sinxelamente non queren abordarse porque o Partido Popular non cre nunha saída social desta crise. Os seus erros nas medidas adoptadas para acurtar o déficit están xerando máis recesión, máis perda de poder adquisitivo, máis parados. O consumo, entón, diminúe e con el a recadación, o cal obriga, paradoxalmente, a máis recortes. Un efecto perverso no que o actual Goberno tennos sumidos.
Otero Regal.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
