Cita declarada de interese turístico galego
ESTE SÁBADO SAN CIPRIÁN CELEBRARÁ A FESTA DA MARUXAINA CO REPARTO DE PRETO DE 2.000 LITROS QUE QUEIMADA
As charangas os KILOMBEROS e CHARANGOS DE NEDA amenizarán a xornada con pasarúas e sons de gaitas, trompetas e moita percusión.
San Ciprián 8 de agosto de 2012.- Xa está todo preparado para que este sábado, 11 de agosto, San Ciprián acolla a súa festa máis multitudinaria, a que dedican á lenda da Maruxaina, declarada de interese turístico galego.
A Comisión de festas, veciños e o Concello de Cervo colaboran na organización dos últimos detalles dunha cita na que se repartirán preto de 2.000 litros de queimada. Será ás 00.30 horas, na madrugada do sábado ao domingo, cando os maruxainos -cos traxes típicos de mariñeiros e de peixeiras, propios de principios do século pasado- recibirán á sirena na praia de O Torno, precedida dun espectáculo de fogos artificiais. O broche final correrá a cargo das orquestras GRAN PARADA e TROLE, na verbena da praza dos Campos.
Pero a Maruxaina non só é unha festa que se vive pola noite. Desde primeira hora da mañá do sábado, e incluso xa na tarde-noite do venres anterior (día 10) hai un conxunto de actividades organizadas para festexar este evento que se prevé multitudinario, a xuízo da xente que se interesou por acudir á festa ou que ten confirmada a súa asistencia a través das redes sociais. No programa dúas actividades tradicionais destacan sobre o resto: o xantar da irmandade Maruxaina, que ten lugar na praia do Torno e noutros puntos da vila, a partir das 14.30h do sábado -o Concello ten previsto ceder case 50 taboleiros aos veciños que os pediron para que sirvan como mesa- e os xogos olímpicos maruxainos, pola tarde, aos que están todos convidados a participar, a xogos como a carretilla, o verme, a cucaña,… será a partir das 19horas tamén na praia do Torno.
Para contribuír a engrandecer máis aínda o ambiente “festeiro” as charangas os KILOMBEROS e CHARANGOS DE NEDA amenizarán a xornada con pasarúas e sons de gaitas, trompetas e moita percusión.
MARUXAINA SOLIDARIA
A Comisión de Festas quere lembrar finalmente, que este ano todos aqueles que colaboren coa adquisición dos produtos oficiais da Maruxaina (tazas para a queimada, camisetas,… etc) ademais de axudar á organización da mesma estarán contribuíndo a unha gran labor social, a da fundación EU SON e ASPANANE que foron as encargadas de elaborar estas prendas e cerámica, a través dos seus obradoiros integrados por persoas con discapacidade ou necesidades especiais.
Ao mesmo tempo desde a organización explican que tanto mañá xoves no mercado da praza dos Campos, como o venres a partir das 19horas, como o sábado a distintas horas do día, a Comisión de Festas habilitará diversos postos de venda dos produtos maruxainos. No caso do venres a venda incluirá unha degustación a prezos módicos de bolos preñados e empanadas, diante do Museo do Mar.
COMISIÓN DE FESTAS DE SAN CIPRIÁN 2012
LENDA DA MARUXAINA
Contan os nosos devanceiros que nas illas dos Farallóns, alí onde o mar Cantábrico bate a súa forza coa pedra, ten a súa morada unha nereida con corpo de muller e cola de peixe.
Matinan os mariñeiros que ten un palacio submarino na cova de Xan Vello, entre as algas, corais, lámparos e percebes e que, nos días galernosos onde a chuvia e o vento amosan o seu poder de súpeto, deixase ver sobre o curuto da Sombriza ou nos penedos de A Baixa e o Pé, sempre fiando co fuso e a roca…
A súa presenza ten dúas facianas: ás veces amósase como unha doncela de louros e longos cabelos, que canta engaiolando e atraendo aos mariñeiros. Noutras, a súa cara semella a dunha fea meiga de ollos afundidos e longos dedos que pretenden atrapar ás xentes do mar.
En canto das súas intencións, a dualidade volvese presente: Uns din que é boa, que avisa dos temporais e dos perigos que o mar agocha traidor debaixo do seu manto da ondada. Pola contra, outros aseguran que é a súa intención é sinistra, que engana aos navíos para levalos ás rochas e así poder atrapar aos mariñeiros, presa dos celos e da envexa da felicidade do fogar da que gozan durante o inverno, onde os barcos invernan no esteiro do río.
Sen ser quen de dilucidar isto, os habitantes do lugar conviñeron celebrar, no segundo sábado de agosto de cada ano, un xuízo para dirimir as súas culpas ou perdóns. Para iso os avezados mariñeiros de San Ciprián achéganse aos Farallóns para pescala e traela á praia,cantando e bailando ata o amencer se é exculpada e queimándoa ao rematar a festa se é condenada.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
