Esgotadas as 50 prazas do plan co que a Deputación fai auditorías e asesora gratis ás PEMES para incorporar melloras tecnolóxicas
– O Plan de Dinamización do Uso da TIC nas PEMES é un éxito de participación, pois superouse a cota máxima de vacantes e hai lista de espera
– O sector alimentario e o hoteleiro son os maioritarios entre as empresas adheridas, seguidos da restauración, o comercio e os servizos de lecer
– A través deste programa, cofinanciado nun 89% polo Ministerio de Industria, o organismo lugués orienta ás firmas na implantación de medidas como a factura electrónica, venda por Internet, publicidade na Rede ou banca electrónica
O proxecto a través do que a Deputación fai auditorías e asesora gratis ás PEMES da provincia para que impulsen os seus negocios coas novas tecnoloxías é un éxito de participación, pois xa se esgotaron as 50 prazas previstas, e hai tres firmas en lista de espera. O Plan de Dinamización do Uso das TIC nas PEMES, financiado nun 89% polo Ministerio de Industria, potencia o uso das novas tecnoloxías nas empresas para que sexan máis competitivas, melloren a súa produtividade, reduzan custes e xeren emprego. Dos 108.000 euros de orzamento, a Deputación achega 12.000 e Industria os 96.000 restantes.
Grazas a este proxecto, enmarcado na aposta da Deputación polas PEMES e os autónomos, a institución luguesa ofrece, de xeito totalmente gratuíto para as firmas participantes, dous servizos:
– Por un lado, fai auditorías ás empresas para avaliar cal é o seu grao de incorporación ás novas tecnoloxías, e logo determinar as melloras que máis lle conveñen para impulsar a súa actividade ou incluso abrir novas oportunidades de negocio. Trátase de melloras como a conexión a Internet de banda longa; crear unha páxina web; implantar a factura electrónica, que reduce custes e tempo; a venda por Internet, que abre novos mercados por todo o mundo; facer publicidade na Rede, para aumentar as vendas, pero tamén fidelizar clientes; ou optar polas operacións bancarias a través da Rede (a banca electrónica) para axilizar pagos e cobros.
– Por outro lado, a Deputación ofrecerá ós empresarios asesoramento técnico personalizado, tamén a custe cero, tanto para elixir as mellores e máis convenientes ferramentas tecnolóxicas, como durante o proceso de incorporación das mesmas. Esta fase prevé arrancala a semana que vén.
Asumindo estes servizos -as auditorías e o asesoramento técnico- a Deputación aforra de media a cada empresa uns 2.500 euros, que é o que terían que pagar se tivesen que contratar a nivel particular estas prestacións. As empresas adheridas pertencen maioritariamente ó sectores alimentario e hoteleiro (en concreto representan o 80% das empresas adheridas), seguidos da restauración, o comercio e os servizos de ocio.
Por debaixo da media
A Deputación decidiu impulsar esta iniciativa porque, a pesar das vantaxes competitivas que levan consigo as novas tecnoloxías nas empresas, o seu uso nas firmas galegas de menos de 10 empregados -a gran maioría en Lugo- está por debaixo da media do Estado, segundo o Instituto Nacional de Estatística (INE). Dous exemplos: O 40% destas firmas non teñen conexión a Internet e preto do 75% non contan con páxina web, catro puntos por debaixo da media estatal.
Comercio electrónico e formación
As auditorías e asesoramento tecnolóxico gratuíto súmase a outras iniciativas que a Deputación ten emprendido para que as empresas lucenses aproveiten as vantaxes competitivas que supón utilizar as novas tecnoloxías. Deste xeito, puxo en marcha con fondos europeos a plataforma de comercio electrónico www.losproductosdelugo.com na que a día de hoxe 50 empresas da provincia venden 200 produtos e servizos, e está a impartir un centenar de cursos con capacidade para 1.500 persoas nos que mostra como sacarlle o máximo partido ás TIC, tanto na vida persoal, como para atopar traballo ou impulsar un negocio.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
