O ESPÍRITO ES TI! CONTAXIA A UN AMIGO/A!
O CD Burela FS Pescados Rubén premiará a fidelidade e o espírito dos seus socios. Baixo o lema ‘O Espírito es Ti! Contaxia a un Amigo/a!”, a entidade laranxa entregará invitacións para os Días do Club a todos aqueles abonados que fagan un socio amigo entre hoxe e o 23 de novembro.
Os Días do Club programados dende o CD Burela FS para a Primeira División LNFS serán o 24 de novembro (Inter Movistar), 2 de marzo (FC Barcelona) e o 16 de marzo (ElPozo Murcia). O prezo da entrada será de 3 euros para asociados adultos; os menores de 18 anos terán acceso gratuíto. Para os non socios o prezo será de 12 euros para adultos e 3 euros na entrada xuvenil.
Deste xeito, os socios e os seus socios amigos que formalicen o abono ao longo do vindeiro mes recibirán unha invitación por cada carné. As persoas beneficiarias poderán recoller as súas entradas, totalmente gratuítas, coincidindo co prazo de venda anticipada de cada encontro.
Agasallo laranxa
Os socios/as laranxas 2012-13 poderán acceder a consumicións gratuítas na Parrillada Don Chuletón de Burela (avenida Arcadio Pardiñas, número 154), presentando tan só o carné de abonado. Ata ao establecemento trasladouse o directivo da entidade Marcelino Luna para agradecerlle ao propietario do hotel, David Rivas, a súa colaboración e presentar o agasallo da tempada 2012-13.
A Parrillada Don Chuletón do Hotel Palacio de Cristal, inaugurada en 2005, está contigua ao hotel, nun ambiente acolledor que combina tradición e modernidade. O propio hotel dispón de 29 habitacións e 1 suite, un comedor con capacidade para 150 persoas, ademais dun salón de reunións. O Palacio de Cristal brinda o mellor da gastronomía galega, ofrecendo unha selecta carta de peixes e mariscos do Cantábrico, así como as mellores carnes galegas. A esta ampla oferta únese Don Chuletón, engadindo ademais unha novidosa zona de Polbería e Xamonería, ademais da Marisquería. O establecemento hostaleiro dispón de cetaria propia de marisco.
Máis información en www.hotelpalaciodecristal.es e www.cetareaburela.com.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
