O Concello de Mondoñedo levou onte a pleno extraordinario a aprobación do orzamento 2012
Os Populares votaron en contra duns orzamentos municipais “extemporáneos que amosan a falta de proxecto do equipo de goberno municipal”
O Grupo Municipal manifesta a súa preocupación ante esta aprobación tardía dos orzamentos, o que conlevou a inexistencia durante a anualidade dunha folla de ruta de traballo para o equipo de goberno municipal
Os populares denuncian a falta de proxecto e a desilusión do rexedor local de Mondoñedo, que ademais de non planificar unha proxección de futuro para o concello provoca que o consistorio perda servizos
O PP municipal esíxelle ao equipo de goberno local que cumpra cos seus deberes e que se esforcen por reinventar e planificar iniciativas novas para Mondoñedo e non só por presentar un presupostos como un mero trámite, regulado por lei
Mondoñedo, 23 de outubro de 2012- Durante a celebración dun pleno extraordinario no que os populares tamén agradeceron a labor desempeñada pola secretaria municipal que deixa o consistorio local para exercer o cargo na Pontenova; o Partido Popular da localidade xustificou o seu voto en contra a uns orzamentos “extemporáneos”, que evidencian a “falta de proxectos e o acomodo” do equipo de goberno.
Os populares de Mondoñedo consideran que a aprobación dos orzamentos é impropia nestas datas do ano, cando quedan pouco máis de dous meses para o peche do exercicio económico. A portavoz do Partido Popular local, Elena Candia, explica que os orzamentos son a folla de ruta do equipo de goberno de calquera institución pública, sendo o documento que permite planificar a inversión de diñeiro público.
Importancia da aprobación no seu tempo dos orzamentos
A popular cualifica ao orzamento como o mellor instrumento para coñecer os proxectos que se materializarán nese concello durante a anualidade, polo que esta tardanza na aprobación preocupa aos populares, xa que amosa a falta de proxectos e a desilusión do equipo de goberno do concello de Mondoñedo. “O estancamento e o acomodo que sufre o señor alcalde” está a prexudicar a un municipio no que non se están a materializar proxectos, nin se coñece a proxección futura de investimento no municipio, explica Candia. A aprobación extemporánea dos orzamentos “non vén a dicir a inversión de diñeiro público” para a anualidade, reincide.
A portavoz popular asegura que é imprescindible unha actitude máis construtiva que redunde no beneficio do pobo. A aprobación dos orzamentos neste momento evidencia a súa presentación como un mero trámite, deixando patente a desilusión e o pouco empeño do equipo de goberno por reinventar novas iniciativas no municipio.
Falta de esforzo e traballo
Para a portavoz popular, o traballo dun alcalde non se pode resumir simplemente en cumprir estritamente co que se recolle na lei. “É un momento necesario de esforzo e de traballo e trátanse ineludiblemente de deberes que só o rexedor local e o equipo de goberno poden facer”, procurando así, máis traballo e implicación para desengomar proxectos e compromisos para Mondoñedo.
Os populares non só critican esta actitude carente de ideas, de proxecto e sen rumbo para Mondoñedo; senón que a deixadez de funcións do rexedor local conleva perda de servizos e citan o caso da educadora familiar, cuxo custo viña cuberto pola Deputación Provincial de Lugo tal e como regula o decreto de Servicios Sociais. “Se esta xestión a promulgara un goberno popular, a mobilización xa estaría na rúa”, explica Candia.
Na orde do día tamén se recolleu a aprobación dun expediente de depuración de saldos, tal e como o solicitaran os populares no pasado pleno, dada a exposición pública dunha contabilidade que o propio equipo de goberno cualificou de “ficticia”. Os populares agradeceron esta xestión por parte do concello froito dunha reivindicación do PP. O PP co obxecto de non entorpecer, abstivéronse no voto ao non ter información sobre algúns dos expedientes que deron lugar a esa eliminación de obrigacións de dereitos pendentes de cobro e a cancelación de obrigacións pendentes de pago.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
