Voluntarios de Alcoa constrúen un xardín para os veciños de Lieiro
Voluntarios Alcoa San Cibrao farán un xarín mañá, 26 de outubro, nas zonas verdes e acondicionarán o local da sede da Asociación de Vecinos de Lieiro. Fundación Alcoa doará 3.000 dólares á asociación veciñal, como mostra do respaldo da compañía a esta iniciativa solidaria dos seus traballadores.
Os voluntarios de Alcoa, membros da asociación e veciños realizarán labores de roza das zonas que rodean a sede social, podarán as árbores existentes, recollerán todos os obxectos alleos á contorna natural, plantarán dúas manzairas, arbustos decorativos e flores, como hortensias, formios, fotinias e coprosmas.
Ademais, os voluntarios limparán o local e clasificarán e identificarán con letreiros o material do almacén. Para rematar, ensinarán aos membros desta asociación a sistematizar a nova forma de organización aplicada polos voluntarios de Alcoa. Ao finalizar as tarefas, todos os participantes compartirán nunha merenda.
Unha vez completadas as tarefas, o espazo quedará habilitado para uso e goce dos veciños desta parroquia de San Cibrao. Esta actividade quere contribuír ademais a fomentar o respecto e coidado do medio ambiente, e serán os propios veciños os encargados do mantemento do novo xardín.
A Asociación de Veciños de Lieiro foi creada en 1977, conta con 60 socios, veciños da parroquia de San Cibrao, onde realiza actividades culturais e lúdicas en beneficio dos veciños da zona, como visitas a museos e exposicións, cursos de informática, campionatos de xogos populares, ademais doutras accións en beneficio da comunidade.
Con esta actividade, os voluntarios da fábrica de Alcoa en San Cibrao completan o seu programa de actividades do Mes do Voluntariado que a compañía celebra en todo o mundo no mes de outubro, ao longo do cal os traballadores intensifican as súas actividades solidarias. O programa dos voluntarios de San Cibrao incluíu a creación dun xardín na parroquia de Lago en colaboración coa Asociación Granda, a construción de mesas sementeiros para as persoas con discapacidade acollidas no Centro Asistencial San Pablo e San Lázaro de Mondoñedo, o acondicionamento do taller de carpintería da Asociación de Axuda ao Enfermo Mental A Mariña e esta actividade de axardinamento da sede social da Asociación de Vecinos de Lieiro.
Fundación Alcoa susténtase dos seus propios activos financeiros e non dos beneficios de Alcoa. O seu principal obxectivo é mellorar a calidade de vida nas comunidades nas que a compañía está presente. Alcoa promove e apoia o voluntariado solidario e a acción social na comunidade dos seus empregados, para o que conta con programas específicos, os plans Acción, Bravo e Alcoans in Motion.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
