VICEPRESIDENCIA DESTINA PRETO DE 60.000 EUROS Á MELLORA DO ACONDICIONAMENTO DA RESIDENCIA MUNICIPAL DE RIBADEO
A Xunta de Goberno da Deputación aprobou o convenio de colaboración entre a área de Benestar Social e o Concello de Ribadeo a través do cal se fará dita achega
Mario Outeiro explica que a Vicepresidencia da Deputación está demostrando que tamén en épocas de crise se pode seguir apostando polas políticas sociais
“O problema xa non é que Feijóo e Rajoy supriman servizos sociais senón que impidan a outras administracións como a Deputación de Lugo construír novas residencias da terceira idade”
Lugo, 16 de novembro de 2012. A Xunta de Goberno da Deputación de Lugo aprobou, esta mañá, un convenio de colaboración, a través do cal, a Vicepresidencia do ente provincial concede unha subvención de carácter excepcional ao Concello de Ribadeo, por valor de 59.218,30 euros, que lle permitirá sufragar os gastos derivados da reparación da carpintería da Residencia Municipal Hospital – Asilo San Sebastián e San Lázaro.
O delegado de Cultura e Turismo da Deputación e portavoz do BNG, Mario Outeiro, sinalou a importancia desta subvención dado o alto grado de avellentamento da poboación ribadense que, segundo explicou, “acada xa o 20 por cento da poboación. Por esa razón faise imprescindíbel que se cumpran os plans xeriátricos e se xestionen residencias para dar cabida aos que así o precisen, dado que son moitas as persoas maiores que teñen que convivir en domicilios alleos ao carecer de vivenda propia e non poder facer fronte a un aluguer en moitos casos de prezo inalcanzable para as súas posibilidades económicas”.
Outeiro recordou que “hai tres anos a Vicepresidencia da Deputación realizou un importante investimento de 15.0000 euros no asilo para modernizar as instalacións e adaptalas ás novas normativas, dotándoo dunha nova zona de enfermería e renovando as máquinas de lavandería, mobiliario e as instalacións da cociña e as salas de estar”.
“Fonte á obsesión que están a demostrar os gobernos do Partido Popular, tanto o da Xunta de Galiza como o do Estado central por desmantelar o Estado de benestar, a Vicepresidencia da Deputación de Lugo está a demostrar que, en tempos de crise, tamén é posible outro xeito de facer política; unha política centrada en garantir os dereitos de todos os cidadáns pero, sobre todo, dos colectivos máis vulnerábeis e que máis están pagando as consecuencias da recesión económica”.
O portavoz nacionalista rematou a súa intervención aseverando que “os nosos maiores están a vivir o maior ataque da historia contra os seus dereitos e o seu benestar. O último deses ataques foi a supresión do servizo de Teleasistencia Domiciliaria que deixará desprotexidos a máis de 1.500 lucenses. O problema xa non é que Feijóo e Rajoy se neguen a seguir aportando a porcentaxe que lles corresponde para sufragar servizos coma este ou o de Axuda no Fogar, senón que impiden a outras administracións, como neste caso a Deputación de Lugo, construír novas residencias para maiores”.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
